Noqonuniy qurilishlar haqida xabar berish uchun Telegram-bot ishga tushdi
Endi fuqarolar poytaxtdagi ko‘p qavatli uylar atrofida, sport maydonchalari, bolalar o‘yingohlari, yashil hududlar yoki boshqa
Noqonuniy qurilishlar haqida xabar berish uchun Telegram-bot ishga tushirildi.
Toshkent shahrining meʼmoriy koʻrinishini saqlash, shaharsozlik qoidalariga amal qilinishini taʼminlash va noqonuniy qurilishlarga barham berish maqsadida maxsus “Noqonuniy qurilish” Telegram-boti ishga tushirildi.
Endilikda fuqarolar koʻp qavatli uylar atrofida, sport maydonchalari, bolalar oʻyingohlari, yashil hududlar yoki boshqa jamoat joylarida noqonuniy qurilish obyektlarini aniqlagan taqdirda, bu haqda @noqonuniy_qurilish_bot orqali xabar berishlari mumkin.
Ushbu bot orqali kelib tushgan murojaatlar noqonuniy qurilish holatlarini aniqlash va ularga nisbatan chora koʻrishda jamoatchilik nazoratini kuchaytirishga xizmat qilishi kutilmoqda.
Bosh prokuratura fuqarolarni oʻz uyi va mahallasidagi oʻzgarishlarga befarq boʻlmaslikka hamda noqonuniy qurilish holatlari kuzatilganda jamoatchilik nazoratida faol ishtirok etishga chaqirdi.