Nikoh yoshini kamaytirishga faqat ikki holatda ruxsat berilishi mumkin
Bu haqda Senat yalpi majlisida Oila va xotin-qizlar qo‘mitasi raisi Dilnoza Kattaxonova ma’lum qildi.
Nikoh yoshini kamaytirishga faqat ikki holatda ruxsat berilishi mumkin
O‘zbekistonda nikoh yoshini bir yilga kamaytirish mumkin bo‘lgan holatlarni aniq belgilash taklif qilinmoqda.
Bu haqda Senat yalpi majlisida Oila va xotin-qizlar qo‘mitasi raisi Dilnoza Kattaxonova ma’lum qildi.
Uning aytishicha, Oila kodeksining 15-moddasiga o‘zgartirish kiritish bo‘yicha qonun loyihasi tayyorlangan va hozir Prezident Administratsiyasida ko‘rib chiqilmoqda.
Loyihaga muvofiq, tuman yoki shahar hokimi nikoh yoshini ko‘pi bilan bir yilga faqat homiladorlik yoki bola tug‘ilgan hollarda kamaytirishi mumkin bo‘ladi.
Shuningdek, “Adliya Plus” mobil ilovasi va my.adliya.uz orqali 18 yoshga to‘lmagan shaxsning nikoh uchun onlayn ariza topshirishiga avtomatik cheklov qo‘yilgan. Bunday ariza faqat hokimning tegishli qarori tizimga kiritilgandan keyingina qabul qilinishi mumkin.