Nigeriya shimolida bahsli islom daʼvatchisi otib oʻldirildi
Yahaya Masussuka asosiy oqimdagi Islomning baʼzi elementlarini rad etgan videolarni joylashtirgan edi.
Nigeriya shimolida bahsli islom daʼvatchisi otib oʻldirildi
Nigeriyadagi bahsli islom daʼvatchisi shimoliy Katsina shtatidagi uyi oldida oʻldirib ketildi.
Dushanba kuni kechqurun Dutsin-Ma shahrida Ikki nafar hujumchi mototsiklda kelib, Yahaya Massussuka mehmonlari bilan xayrlashayotgan vaqtda unga qarata oʻt ochgan, deb xabar berdi manbalar BBC’ga.
47 yoshli daʼvatchi va oʻq tekkan mehmonlardan biri kasalxonaga olib borilgan, biroq navbatchi shifokor ularning ikkalasi ham vafot etganini maʼlum qilgan, deydi politsiya.
Massussukaning nima sababdan nishonga olingani nomaʼlum, ammo daʼvatchi ijtimoiy tarmoqlarda anʼanaviy islomning baʼzi qismlarini, jumladan, insonlar oʻlimdan keyin nima boʻlishi haqidagi qarashlarni rad etuvchi videolarni joylashtirgani sababli oʻlim tahdidlarini olgan edi.
Biroq, Massussuka oʻz taʼlimotini asosan Islomning muqaddas kitobida keltirilgan qoidalarga asoslagan, baʼzi hadislarga shubha bilan qaragan va oʻliklarning qayta tirilishi hamda soʻroq qilinishiga ishonmagan.
U bir marta ushbu hadis va boshqa taʼlimotlarga boʻlgan eʼtiqodi uchun baʼzi hurmatli ulamolarni masxara qilgani sababli toʻqqiz oyga qamalgan edi.
Ikki xotini va yetti farzandi boʻlgan Massussuka 13 yoshida Qurʼon maktablarida daʼvatchilik qilishni boshlagan.
Keyinchalik u Misrdagi Al-Azhar universitetida tahsil olgan va keyinroq tahsilni davom ettirish uchun Oʻmonga borgan.
Uning uyida studiyasi boʻlib, u yerda izdoshlari uchun ijtimoiy tarmoqlarda uzatish maqsadida oʻz taʼlimotlari tasvirlangan videolarni yozib olar edi.
Daʼvatchi, shuningdek, zoʻravon ekstremizm va radikallashuvga qarshi ochiq gapirgan hamda Nigeriya aholisining deyarli teng yarmini tashkil etuvchi musulmonlar va nasroniylar oʻrtasidagi dinlararo muloqot va tinch-totuv yashashni ochiqchasiga qoʻllab-quvvatlagan.
Soʻnggi 25 yil ichida mamlakatda milliy va diniy zoʻravonliklar oqibatida minglab nasroniylar va musulmonlar halok boʻldi.
Massussukaning saʼy-harakatlari uchun Nigeriyaning Yaxshi boshqaruv va shaffoflik tarmogʻi oʻtgan yili uni "Tinchlik elchisi" mukofoti bilan taqdirlagan edi.
Soʻnggi ikki oʻn yillikda Nigeriya shimolida yana ortiqcha olti nafar taniqli musulmon daʼvatchisi oʻldirilgan, ulardan bir nechtasi 2009 yilda oʻz isyonini boshlagan jihodchi guruhni tanqid qilgani uchun "Boko Haram" tomonidan nishonga olingan.
Nigeriyaning shimoli-sharqida tashkil etilgan ushbu guruh Gʻarb madaniyati, taʼlimi va dunyoviy hukumatga qarshi chiqadi, uning siyosiy maqsadi esa Islom davlatini barpo etishdir.