Narbayeva va Satyartxi bolalar huquqlarini himoya qilish masalasini muhokama qildilar
Oʻzbekiston Senati Raisi Tanzila Narbayeva va Asmita Satyartxi gumanitar hamkorlik hamda zaif qatlamdagi bolalarni himoya qilish tashabbuslarini muhokama qildilar.
Narbayeva va Satyartxi bolalar huquqlarini himoya qilish masalalarini muhokama qildilar
Oliy Majlis Senati Raisi Tanzila Narbayeva Samarqand shahrida oʻtkazilayotgan Parlamentlararo ittifoqning Yosh parlament aʼzolarining 12-global konferentsiyasi doirasida «Satyartxi global hamdardlik harakati» bosh direktori Asmita Satyartxi bilan uchrashdi, deb xabar berdi Senat matbuot xizmati.
Tomonlar gumanitar hamkorlikni yanada kengaytirish yoʻllarini muhokama qildilar.
Bolalar huquqlarini himoya qilish va ijtimoiy himoyaga muhtoj bolalarni qoʻllab-quvvatlash boʻyicha tajriba almashish hamda qoʻshma seminarlar, ekspertlar uchrashuvlari va parlament muhokamalarini tashkil etish imkoniyatlariga alohida eʼtibor qaratildi.
Shuningdek, xotin-qizlarning jamiyatdagi rolini yanada kuchaytirish, yosh yetakchi ayollarni qoʻllab-quvvatlash va ijtimoiy yetakchilikni rivojlantirish yuzasidan fikr almashildi.