Mutasaddilarga 350 ming odamni doimiy ishga joylashtirish vazifasi qo‘yildi
Sentyabr–dekabr oylarida 350 ming odamni doimiy ishga joylashtirish, yana 1 million aholining daromadini oshirish va
Mutasaddilarga 350 ming odamni doimiy ishga joylashtirish vazifasi yuklatildi
Prezident Shavkat Mirziyoyev raisligida o‘tgan yig‘ilishda viloyat va tuman hokimlari shtablar faoliyatini samarali yo‘lga qo‘yib, yaratilgan yangi imkoniyatlardan to‘liq foydalanishi shartligi ta’kidlandi.
Belgilanishicha, hududlar rahbarlari sentyabr–dekabr oylarida 350 ming odamni doimiy ishga joylashtirish va yana 1 million aholining daromadini oshirish bo‘yicha majburiyat oladi.
Shuningdek, yil yakuniga qadar 230 ming oilani kambag‘allikdan chiqarish vazifasi qo‘yildi.
Har bir yo‘nalish bo‘yicha aniq mexanizm va harakatlar algoritmini ishlab chiqish, mahalla darajasida mas’ullarni belgilash zarurligi qayd etildi.
Xitoy tajribasi asosida tuman va mahallalarda aholi bilan bevosita ishlaydigan xodimlar uchun aniq ko‘rsatmalar ishlab chiqish topshirildi.
Yig‘ilish yakunida mutasaddilar va hududlar rahbarlarining axboroti tinglandi.