Moskva markazida uç kun mobil internet çeklanişi mumkin
Moskva markazida 27–29-oktabr kunlari xalqaro sammitlar munosabati bilan mobil internet işida vaqtinçalik çeklovlar bölişi mumkin. Rossiya Raqamli rivojlaniş vazirligiga köra, oddiy telefon qönğiroqlari, Wi-Fi va «oq röyxat»dagi saytlardan foydalaniş imkoniyati saqlanadi.
Moskva markazida uch kun mobaynida mobil internet cheklanishi mumkin
Vazirlik 26-oktabr kuni kechqurun cheklovlar Moskvaning Uchinchi transport halqasi ichidagi hududlarga tegishli ekanini ma’lum qildi.
Mobil internet quyidagi vaqtlardan boshlab uzilishi mumkin:
27 va 28-oktabr — Moskva vaqti bilan soat 11:30 dan;
29-oktabr — soat 09:30 dan kun davomida.
Bu kunlarda Rossiya poytaxtida ikkita xalqaro tadbir o‘tkaziladi. 27-oktabrda Gaz eksport qiluvchi mamlakatlar forumi sammiti, 28–29-oktabrda esa «Rossiya - Afrika» sammiti bo‘lib o‘tishi belgilangan.
Gaz eksport qiluvchi mamlakatlar forumida Eron va Ekvatorial Gvineya prezidentlari, Qatar amiri hamda Liviya Prezidentlik kengashi raisi qatnashishi kutilmoqda. Venesuela prezidenti vazifasini bajaruvchi Delsi Rodrigesning videomuloqot orqali ishtiroki rejalashtirilgan.
«Rossiya - Afrika» sammitiga Afrikaning qariyb 50 davlatidan vakillar keladi. Rossiya prezidenti yordamchisi Yuriy Ushakovning so‘zlariga ko‘ra, Vladimir Putin ayrim davlatlar rahbarlari bilan 20 ga yaqin ikki tomonlama uchrashuv o‘tkazmoqchi.
The Moscow Times nashri eslatishicha, mart oyida ham Moskva markazida mobil internet ikki haftadan ortiq ishlamagan. O‘shanda Kreml matbuot kotibi Dmitriy Peskov buni xavfsizlikni ta’minlash zarurati bilan izohlagan.
«Kommersant» ma’lumotiga ko‘ra, o‘sha uzilishlardan ko‘rilgan zarar kuniga qariyb 1 milliard rublni tashkil etgan.
Rossiya rasmiylari avvalgi internet cheklovlarini Ukraina dronlari hujumlariga qarshi choralar bilan ham izohlagan. 23-oktabrdagi hujum paytida Moskva atrofidagi to‘rt aeroport ishi vaqtincha to‘xtatilgan edi.