Milliy kutubxona ortidagi avtoturargoh loyihasi boʻyicha ekologik ekspertiza xulosasi yoʻq – Ekoqoʻmita
Qoʻmita hududda har qanday qurilish va obodonlashtirish ishlari, jumladan, daraxt va butalarga, yashil maydonlarga hamda tuproq qoplamiga taʼsir koʻrsatishi mumkin boʻlgan ishlar tegishli ekologik baholashdan oʻtkazilmasdan amalga oshirilishi mumkin emasligini taʼkidlagan.
Milliy kutubxona ortidagi avtoturargoh loyihasi bo‘yicha ekologik ekspertiza xulosasi mavjud emas – Ekoqo‘mita
Ekologiya va iqlim o‘zgarishi milliy qo‘mitasi Milliy kutubxona ortidagi hududda avtoturargoh qurilishi rejalashtirilgani haqidagi xabarlarga munosabat bildirib, hozircha ekologik ekspertiza xulosasi yo‘qligini ma’lum qildi.
Bayonotda hududdagi har qanday qurilish va obodonlashtirish ishlari, jumladan, daraxt va butalar, yashil maydonlar hamda tuproq qoplamiga ta’sir ko‘rsatishi mumkin bo‘lgan ishlar tegishli ekologik baholashsiz amalga oshirilishi mumkin emasligi ta’kidlangan.
Loyiha doirasida 1 mingdan ortiq daraxt va buta ekish rejalashtirilgan. Biroq qo‘mitaga ko‘ra, yangi ko‘chatlar mavjud ko‘p yillik daraxtlar va shakllangan yashil hududlarning ekologik, iqlimiy hamda rekreatsion ahamiyatini to‘liq almashtira olmaydi.
Qo‘mita hududdagi mavjud yashil maydon va daraxtlarni imkon qadar saqlab qolish, ularni to‘liq xatlovdan o‘tkazish hamda loyiha hujjatlarini belgilangan tartibda ekologik ekspertizadan o‘tkazish zarurligini bildirdi.