MAX Oʻzbekistonda

Oʻzbekistonda MAX

Moskvada MAX messendjeri vakillarining Oʻzbekistondan kelgan jurnalistlar bilan uchrashuvi boʻlib oʻtdi. Unda platformaning rivojlanishi, auditoriyaning oʻsishi, yangi funktsiyalar, firibgarlikdan himoya qilish vositalari va biznes uchun imkoniyatlar muhokama qilindi. MAX bosh direktori Farit Xusnoyarov, MAX mahsulotlar boʻyicha direktori Yevgeniy Shirinkin va MAX Trust & Safety yoʻnalishi rahbari Mariya Maltseva platformaning rivojlanishi, Oʻzbekistondagi auditoriya, funktsiyalar va maʼlumotlarni himoya qilish yondashuvlari haqida soʻzlab berishdi.

— Bugungi kunda MAX uchun Oʻzbekiston qanday rol oʻynaydi?

— Oʻzbekiston biz uchun asosiy xorijiy yoʻnalishlardan biridir. Bugungi kunda MAX 11,5 mln. xorijiy foydalanuvchiga ega va Oʻzbekiston barcha xorijiy mamlakatlar orasida birinchi oʻrinni egallaydi. Messenjerdan 4 milliondan ortiq kishi foydalanadi — bu taxminan Toshkent, Samarqand va Buxoro aholisining umumiy soniga teng. Biz Oʻzbekiston va Rossiya oʻrtasidagi muloqot juda jadal ekanini koʻrmoqdamiz: har kuni 12 millionga yaqin xabar yuboriladi va 1,3 million qoʻngʻiroq amalga oshiriladi. Bu katta hajmlar boʻlib, biz mahsulotni rivojlantirishda ularni hisobga olamiz.

— Oʻzbekistonlik foydalanuvchilar uchun qanday qadamlarni tashlangiz?

— 2026 yil avgustida interfeysga oʻzbek tilini qoʻshdik. Bu muhim qadam, chunki Oʻzbekiston va Rossiyadagi koʻplab oilalar qarindoshlik rishtalari bilan bogʻlangan va biz muloqot ona tilida qulay boʻlishini xohlaymiz.

— Bugungi kunda MAX foydalanuvchilarga qanday imkoniyatlarni taklif etadi?

— Bizda boy funktsional mavjud. Bu qoʻngʻiroqlar — biz ayniqsa uzoq masofalardagi muloqot uchun sifatga katta eʼtibor qaratamiz. Hatto sust internetda ham aloqaning yuqori sifatini saqlab turishga imkon beruvchi NoLACE texnologiyasidan foydalanamiz. Oʻzbekistonlik foydalanuvchilar 150 millionga yaqin chat yaratdilar. Media, audioxabarlar, videoxabarlar, 4 GB gacha boʻlgan fayllarni yuborish mumkin. Yozda biz tarixlarni (istoriya) ishga tushirdik. Videodoirachalar juda ommabop — agar eshitish imkoniyati boʻlmasa, ularni matnga aylantirish mumkin. Stikerlar, shu jumladan animatsion stikerlar mavjud. MAX jamoasi maxsus oʻzbek foydalanuvchilari uchun ayiqcha maskotimiz aks etgan stikerpak tayyorladi — uni havola orqali oʻrnatib olish mumkin.

— Oʻzbek kanallarida qaysi mavzular eng ommabop?

— Oʻzbekistondagi top-3 mavzu — yangiliklar, musiqa va video, kulinariya. Bu auditoriyaning rang-barangligi va kontent mualliflari uchun katta salohiyatdan dalolat beradi. Kanallar funktsionalini rivojlantirishda oʻzbekistonlik foydalanuvchilarning fikr-mulohazalarini hisobga olishni rejalashtirmoqdamiz.

— Foydalanuvchilar xavfsizligi, ayniqsa Oʻzbekistonda auditoriya oʻsishi fonida qanday taʼminlanmoqda?

— Xavfsizlik — bizning ustuvor vazifamiz. Asosiy mexanizmlardan biri — kontaktlarga qoʻshish orqali ishonchli muloqot. Agar foydalanuvchi kontaktlarda boʻlmasa, u taklif-havolasini yuborishi mumkin va suhbatdosh muloqot qilish yoki qilmaslikni anglagan holda hal qiladi. Bu firibgarlik va spam xavfini kamaytiradi.

Qoʻshimcha sozlash uchun xavfsiz rejim mavjud: foydalanuvchi unga kim qoʻngʻiroq qilishini, kim chatlarga taklif qilishini, qaysi kontentni koʻrishini cheklab qoʻyishi mumkin. Oilaviy himoya mavjud — foydalanuvchi bu parametrlarni bolasi yoki yoshi katta qarindoshlari uchun sozlashi mumkin.

Shuningdek, biz shubhali havolalar haqida ogohlantirishni joriy etdik: avtomatlashtirilgan tizim havolalarni tekshiradi va agar xavfni aniqlasa, ogohlantirish paydo boʻladi. Akkauntni himoya qilish uchun ikki bosqichli autentifikatsiya mavjud — foydalanuvchi yangi kirishda talab qilinadigan parolni oʻrnatishi mumkin.

— Nomaqbul kontaktlar bilan qanday yoʻl tutiladi?

— Bizda «Shikoyat qilish» tugmasi va ommaviy shikoyatlar tushgan xabar tekshirilgandan soʻng bloklash imkoniyati mavjud. Agar foydalanuvchi nomaqbul xabar yoki qoʻngʻiroq olsa, u shikoyat qilishi mumkin — signal Xavfsizlik markazimizga tushadi, mutaxassislar firibgarlik harakatlari bor-yo'qligini tezkorlik bilan tekshirishadi. Bundan tashqari, biz qoʻngʻiroq qilayotgan yoki yozayotgan shaxs kontaktlarda yoʻqligini aniq koʻrsatib turamiz. Bu insonga eʼtiborliroq boʻlishga yordam beradi.

— MAX da kompaniyaning rasmiy sahifasini yaratish mumkinmi? Verifikatsiya bormi?

— Bizda www.business.max.ru sayti orqali kirish mumkin boʻlgan Biznes uchun MAX Platformasi mavjud. U yerda biznesning rasmiy kanalini yoki chat-botini roʻyxatdan oʻtkazish mumkin. Buning uchun bank ID si yoki Davlat xizmatlari (Gosuslugi) orqali tasdiqlanadigan Rossiya yuridik shaxsi talab qilinadi. Baʼzi ijtimoiy tarmoqlardagidek verifikatsiya belgisi (belgicha) oddiy foydalanuvchilar yoki amaldorlar uchun hozircha yoʻq — u faqat MAX ning oʻz loyihalari uchun qoʻyiladi.

— Ilovani tarqatish uchun Oʻzbekiston uchun App Store ning mahalliy analogini yaratish imkoniyati bormi?

— Biz hamkorlikdagi open-source dasturini ishga tushirdik. Yuridik shaxslar, shu jumladan xorijiy yuridik shaxslar biz bilan bitim tuzishlari, ilovaning boshlangʻich kodini olishlari, uni takomillashtirishlari va MAX ning oʻz versiyalarini ishga tushirishlari mumkin. Bu mahalliy yechimlar uchun imkoniyatlar ochadi.

— MAX davlat xizmatlari va biznes-servislari integratsiyalashgan ekotizim sifatida rivojlanadimi va bu Rossiyadan tashqari boshqa mamlakatlar uchun ham rejalashtirilganmi?

— MAX Rossiya davlat xizmatlari bilan integratsiya qilingan — masalan, Raqamli ID hujjatlarni elektron shaklda taqdim etish, yosh va imtiyozli maqomlarni tasdiqlash imkonini beradi. Biznes uchun Platformada 500 mingdan ortiq kompaniya va tashkilotlar roʻyxatdan oʻtgan. Lekin messenjer uchun eng muhimi — bu muloqot. Odamlar tezkor aloqa uchun kelishadi va biz bu tajribani buzmaslik uchun qoʻshimcha funktsiyalarni juda ehtiyotkorlik bilan kiritamiz. Boshqa mamlakatlarga kelsak, biz hamkorlikka ochiqmiz, lekin hozircha asosiy eʼtibor Rossiya va bizning asosiy xorijiy auditoriyamizga, birinchi navbatda Oʻzbekistonga qaratilgan.

— Kelajak uchun oʻzbekistonlik foydalanuvchilar uchun qaysi ustuvor yoʻnalishlarni ajratib koʻrsatasiz?

— Eng muhimi — muloqotning qulayligi. Biz qoʻngʻiroqlar sifatini yaxshilaymiz, Biznes uchun MAX Platformasi orqali biznes uchun imkoniyatlarni kengaytiramiz (Rossiya yuridik shaxsini yaratish xorijliklar uchun ham mavjud), Oʻzbekistondan kelgan mualliflar bilan birgalikda kanallarni rivojlantiramiz. Va albatta, ilovaning xavfsizligi va barqaror ishlashi ustida ishlashni davom ettiramiz.

Maʼlumot uchun: MAX messenjeri VK ga tegishli. Platforma 140 mln. foydalanuvchiga ega boʻlib, ulardan 90 mln. kishi har kuni kiradi. MAX 40 ta mamlakatda ይሰshlaydi. Oʻzbekistonda — 4 mln. foydalanuvchi bor, bu mamlakatni xorijiy davlatlar orasida auditoriya hajmi boʻyicha eng yirigiga aylantiradi.