Mask har bir amerikalik bolaga SpaceX aksiyasini beradi
Ilon Mask kelasi yili har bir amerikalik bolaga SpaceX kompaniyasining bittadan aksiyasini berishni vaʼda qildi. Hozirgi baholarga koʻra, AQShdagi 72 million nafar voyaga yetmaganga tarqatiladigan aksiyalarning umumiy qiymati 10 milliard dollardan oshishi mumkin.
Mask har bir amerikalik bolaga SpaceX aksiyasini taqdim etadi
Ilon Mask har bir amerikalik bolaga SpaceX korporatsiyasining bittadan aksiyasini berishga vaʼda berdi.
Mask ham, SpaceX ham rejalashtirilgan tadbirning tafsilotlarini hozircha oshkor qilmadi.
«Kelasi yili men oʻzimning SpaceX aksiyalarimdan har bir amerikalik bolaga bittadan beraman. Va bu hali boshlanishi», - deb yozdi Mask X tarmogʻida.
Mask SpaceX kompaniyasining 6,4 mlrd dona aksiyasiga egalik qiladi. Bu kompaniyaning jami aksiyalarining yarmidan sal kamrogʻini tashkil etadi. Hozir AQShda taxminan 72 mln nafar voyaga yetmaganlar bor.
NASDAQ birjasidagi soʻnggi savdolarga koʻra, SpaceX kompaniyasining 1 dona aksiyasi narxi 146 dollarga teng. Shunday qilib, Mask bolalarga tarqatishi kutilayotgan aksiyalarning umumiy qiymati 10 milliard dollardan oshadi.