Mashhur supermodel Sindi Kroufordning o‘gʻli 27 yoshida vafot etdi

Mashhur supermodel Sindi Kroufordning o‘g‘li 27 yoshida hayotdan ko‘z yumdi

Mashhur model Sindi Krouford va taniqli tadbirkor Rendi Gerberning o‘g‘li Presli Gerber 27 yoshida vafot etdi.

Kroufordning yagona o‘g‘li hamda model va aktrisa Kayya Gerberning akasi bo‘lgan Presli o‘zi ham model sifatida faoliyat yuritgan. U ruhiy salomatlik bilan bog‘liq muammolar, depressiya va zararli odatlarga qaramlik haqida ochiq gapirardi, ijtimoiy tarmoqlarda esa davolanish terapiyalari hamda sog‘lom turmush tarzi haqidagi videolarni muntazam joylashtirib borardi.

Kroufordning o‘g‘li 2019-yil yanvarida avtomobilni mast holda boshqargani uchun hibsga olingan edi. O‘sha yil oxirida u uch yillik shartli qamoq jazosiga hukm qilingan. Bundan tashqari, Gerber alkogolizmga qarshi profilaktika dasturidan o‘tishi va ikki kun davomida jamoat ishlarida ishlashi kerak bo‘lgan.

So‘nggi yillarda Gerber hayotidagi yo‘qotishlar va vahima xurujlari haqida ham tez-tez so‘z yuritgan. Uning vafotidan sal avval singlisi Kayya akasining o‘z muammolarini yashirmasdan, odamlar bilan juda ochiq bo‘lishga intilganini faxr bilan aytib o‘tgan edi.