Margʻilonda yettinchi xalqaro «Atlas bayrami» boʻlib oʻtadi
Margʻilonda yettinchi bor anʼanaviy toʻqimachilik xalqaro festivali «Atlas bayrami» boʻlib oʻtadi. Dasturda — koʻrgazmalar, mahorat darslari va moda namoyishlari. Dastur.
Margʻilonda VII «Atlas bayrami» xalqaro anʼanaviy toʻqimachilik festivali boʻlib oʻtadi.
12-16 sentyabr kunlari kasbiy koʻnikmalarni rivojlantirishga qaratilgan tadbirlar oʻtkaziladi, asosiy dastur esa 17-19 sentyabr kunlariga moʻljallangan.
Ishtirokchilar orasida turli mamlakatlardan kelgan ustalar, dizaynerlar, toʻqimachilik sohasi mutaxassislari, tadqiqotchilar va madaniyat arboblari bor.
Festival 2015 yildan buyon oʻtkazib kelinmoqda va toʻqimachilik hunarmandchiligi anʼanalarini saqlash, rivojlantirish va avloddan-avlodga uzatish, shuningdek, merosni zamonaviy kreativ industriyalarga integratsiya qilish maydoniga aylandi.
Bu yilgi dasturdan «Vodiy gavhari» turistik majmuasi, Margʻilon hunarmandchilikni rivojlantirish markazi va Margʻilon tarixi muzeyida boʻlib oʻtadigan qator koʻrgazmalar, mahorat darslari, namoyishlar va ishchi uchrashuvlar oʻrin olgan.
Ishtirokchilar YUNESKO va Yevropa Ittifoqining anʼanaviy texnikalar va zamonaviy dizayn sintezini namoyish etuvchi koʻnikmalarni rivojlantirish boʻyicha qoʻshma loyihasi natijalarini taqdim etadilar.