L'Oreal вазн yo'qotish dori-darmonlari go'zallik va terini parvarish qilish vositalari sotuviga ta'sir qilayotganini aytmoqda
Goʻzallik gigantining bosh direktori GLP-1 preparatlaridan foydalanish "biz uchun juda muhim hodisa" boʻlganini aytmoqda.
L'Oreal maʼlum qilishicha, vazn yoʻqotish dorilari goʻzallik va terini parvarish qilish vositalari sotuviga taʼsir koʻrsatmoqda
Soʻnggi yillarda GLP-1 nomi bilan tanilgan vazn yoʻqotish dorilaridan foydalanish keskin oshdi.
Goʻzallik giganti L'Oreal’ning maʼlum qilishicha, vazn yoʻqotish dorilarining ommalashishi goʻzallik va terini parvarish qilish vositalari sotuviga taʼsir koʻrsatdi, chunki kompaniya tez ozishning ayrim yon taʼsirlariga maxsus qaratilgan mahsulotlarni ishlab chiqmoqda.
Kompaniya rahbari Nikolya Iyeronimusning aytishicha, goʻzallik bozori murakkab global muhitda yaxshi saqlanib qolmoqda va GLP-1 "biz uchun juda muhim hodisa"dir.
Investorlar bilan muloqotda u ushbu dorilardan foydalanishning ortishi "umuman goʻzallik va xususan terini parvarish qilish mahsulotlari isteʼmoliga taʼsir koʻrsatayotganini" aytdi.
Maybelline va La Roche-Posay kabi boshqa mashhur brendlarga egalik qiluvchi L'Oreal payshanba kuni sentyabr oyigacha boʻlgan uch oylik sotuvlar 7,7 foizga oshib, tahlilchilar prognozidan yuqori boʻlganini maʼlum qildi.
GLP-1’dan foydalanish soʻnggi yillarda Ozempich, Shegovi va Mounjaro kabi diabetga qarshi dorilar ishtahani boʻgʻishi sababli sezilarli darajada vazn yoʻqotishga ham olib kelishi aniqlangach, juda ommalashib ketdi.
GLP-1 dorilari bunga bevosita sabab boʻlmasa-da, tez ozish baʼzi odamlarda terining, shu jumladan yuz atrofidagi terining osilib qolishiga olib kelishi mumkin.
Iyeronimusning taʼkidlashicha, L'Oreal’нинг SkinCeuticals ва Киеҳл's brendlarida "GLP-1 va uning teri osilishiga yon taʼsiri bilan parallel ravishda ishlash va ularni toʻldirish uchun moʻljallangan" hamda tez ozish bilan bogʻliq boshqa taʼsirlarga qarshi mahsulotlar mavjud.
L'Oreal, shuningdek, klinik estetika sektoridagi ishtirokini yanada kengaytirib, oʻtgan yilning dekabr oyida Dermatologiya boʻyicha Galderma kompaniyasidagi ulushini 20 foizga oshirdi.
Reuters xabariga koʻra, ikkala kompaniya ham teri osilishidan xavotirda boʻlgan GLP-1 foydalanuvchilarida alohida klinik sinovlarda mahsulotlarni sinab koʻrmoqda.
Galderma mashhur estetik mahsulotlarga, jumladan, kollagen ishlab chiqarishni ragʻbatlantirish uchun moʻljallangan Schulptra inʼyektsiyasi va Restylane dermal toʻldiruvchi inʼyektsiyasiga egalik qiladi.
Oʻtgan yili estetik kompaniya GLP-1’dan foydalanishning ortishi va yuz koʻrinishidagi oʻzgarishlar bilan bogʻliq xavotirlar haqida hisobot nashr etdi.
Vazn yoʻqotish dorilarini qabul qiluvchilar oʻrtasida oʻtkazilgan xususiy soʻrovnomada maʼlum boʻlishicha, ularning aksariyati ushbu dorilarni qabul qilgandan soʻng yuz koʻrinishida oʻzgarishlarni payqashgan.