Litsenziyalashdagi qonunbuzarliklar haqidagi xabarlar uchun mukofot toʻlanadi
Hukumat litsenziyalash, ruxsatnomalar berish va xabarnomalar yuborishdagi qonunbuzarliklar haqida xabar bergan fuqarolar va tashkilotlarga mukofot puli toʻlash tartibini tasdiqladi. Mukofot miqdori qoidabuzardan undirilgan jarimaning 10 foizini tashkil etadi. Qonunbuzarlik haqida Adliya vazirligining maxsus elektron tizimi yoki mobil ilovasi orqali xabar berish mumkin. Xabarga qoidabuzarlik aks etgan fotosurat yoki videoni ilova qilish mumkin. Yozuvda quyidagilar koʻrinishi kerak: Vakolatli organ […]
Litsenziyalashdagi qoidabuzarliklar haqidagi xabarlar uchun mukofot puli toʻlanadi
Hukumat litsenziyalash, ruxsat berish va xabardor qilish tartib-taomillaridagi qoidabuzarliklar haqida xabar bergan fuqarolar va tashkilotlarga mukofot puli toʻlash tartibini tasdiqladi. Mukofot miqdori qoidabuzardan undirilgan jarimaning 10 foizini tashkil etadi.
Qoidabuzarlik haqida Adliya vazirligining maxsus elektron tizimi yoki mobil ilovasi orqali xabar berish mumkin.
Xabarga qoidabuzarlik aks etgan fotosurat yoki videoni ilova qilish mumkin. Yozuvda quyidagilar koʻrinib turishi kerak:
- qoidabuzarlikning oʻzi;
- agar maʼlum boʻlsa, qoidabuzarning maʼlumotlari;
- hodisa sodir boʻlgan sana va vaqt.
Vakolatli organ xabarni 10 ish kuni ichida koʻrib chiqadi.
Agar maʼlumot tasdiqlansa va qoidabuzar javobgarlikka tortilsa, arizachiga undirilgan jarimaning 10 foizi toʻlanadi. Mukofot bir marta toʻlanadi.
Tartib Hukumatning 2026 yil 4 sentyabrdagi 466-sonli qarori bilan tasdiqlangan.