Lego “Yulduzlar jangi” turkumidagi eng uzun kema to‘plamini taqdim etdi (foto)

Lego kompaniyasi “Yulduzlar jangi” turkumidagi eng uzun kema modelini taqdim etdi. Ushbu yangi konstruktor to‘plami “Yulduzlar jangi 5: Imperiya javob zarbasi beradi” filmidagi Dart Veyderning mashhur kemasini aks ettiradi.

Yangi to‘plam 6 130 ta detaldan iborat bo‘lib, yig‘ilgan holatda uning uzunligi 136 santimetrga yetadi. Garchi bu o‘lchamlar ta’sirchan bo‘lsa-da, model Lego kompaniyasi tarixidagi eng katta konstruktor emas. Umumiy o‘lchamlari bo‘yicha u “Titanik” kabi modellardan keyin 14-o‘rinni egallaydi. Biroq, bu to‘plam hozirda “Yulduzlar jangi” seriyasidagi eng uzun kema modeliga aylandi.

Buzg‘unchi kema modeli maxsus ingichka asos ustida yig‘iladi va unga tashqi qoplamali panellar mustahkamlanadi. To‘plam tarkibiga asosiy kemadan tashqari, unga hamrohlik qiluvchi kichik kema ham kiritilgan. Mutaxassislar asosiy flagman kemasining ulkanligini yaqqol ko‘rsatish uchun hamroh kemani atayin o‘ta kichik o‘lchamda ishlaganlar.

To‘plam tarkibidan Dart Veyder, Boba Fett, Dengar, Bossk, IG-88, 4-LOM va Zukkus kabi jami yettita qahramonning figurachalari joy olgan. Film syujetidagi oltita bosh ovchilarining barchasi ilk marotaba bitta to‘plamda jamlandi. Ushbu qahramonlarni maxsus taglikka joylashtirish orqali filmdagi afsonaviy uchrashuv sahnasini qayta tiklash mumkin.

Lego Star Wars Executor Super Star Destroyer (75457) deb nomlangan ushbu to‘plam joriy yilning 4-oktabr kunidan boshlab rasman sotuvga chiqariladi. Konstruktorning chakana savdodagi narxi 800 dollarni tashkil etadi.