Kia Sonet Prime Oʻzbekistonda Sonet oilasini kengaytirmoqda
Krossover ifodali dizayn, diagonali 10,25 dyuymli ikkita displey, haydovchiga yordam tizimlari majmuasi va yanada qulay salonga ega boʻldi. Sonet Prime bozorda allaqachon taqdim etilgan Kia Sonet modelini toʻldiradi – har ikki model bir vaqtning oʻzida sotiladi.
**Kia Sonet Prime Oʻzbekistonda Sonet oilasini kengaytirmoqda**
Oʻzbekistonda ixcham shahar krossoverlari liniyasidagi yangi model — Kia Sonet Prime sotuvi boshlanadi. Avtomobil oʻziga xos dizayn, boyroq jihozlar va zamonaviy elektron tizimlarga ega boʻldi, shu bilan birga amaliy format va sinovdan oʻtgan kuch qurilmasini saqlab qoldi. Bozorga allaqachon tanish boʻlgan Kia Sonet hamon model qatorida qoladi: Oʻzbekistonda har ikkala krossover bir vaqtning oʻzida taqdim etiladi.
Har ikki versiya ham ADM Jizzakh zavodida toʻliq tsiklli CKD texnologiyasi boʻyicha ishlab chiqarilmoqda, bu esa ishlab chiqarishni mahalliylashtirishning yuqori darajasini va Kia kompaniyasining Oʻzbekiston bozoridagi uzoq muddatli rejalarini taʼkidlaydi.
**Kia’ning zamonaviy uslubidagi yangi qiyofa**
Sonet Prime butunlay yangilangan kuzovning old va orqa qismlariga ega boʻldi. Model qiyofasida Kia’ning zamonaviy uslubidan foydalanilgan: murakkab geometriyali radiator panjarasi Star Map svetodiod optikasi va Ice Cube tumanga qarshi faralari bilan uygʻunlashgan.
Orqa tomondagi vertikal chiroqlar yukxona eshigining butun kengligi boʻylab oʻtuvchi svetodiod chiziq bilan birlashtirilgan. Yangi bamper va integratsiyalashgan spoyler kompozitsiyani yakunlaydi.
Avtomobilga 16 dyuymli yengil qotishmali disklar oʻrnatiladi. Sonet Prime uchun kuzovning yetti xil rangi, shuningdek, ikki rangli variantlar — qizil yoki oq kuzov va kontrastli qora tomli versiyalar koʻzda tutilgan.
**Ikkita katta ekran va interfeysning uchta tili**
Salondagi asosiy oʻzgarishlardan biri raqamli haydovchi zonasi boʻldi. Priborlar paneli va multimedia tizimi diagonali 10,25 dyuymli displeylarga ega boʻldi. Priborlar panelіda avtomobil va haydovchiga yordam tizimlarining ishlashi haqidagi asosiy maʼlumotlar aks etadi, bezak esa tanlangan harakatlanish rejimiga qarab oʻzgaradi.
Multimedia tizimi Apple CarPlay va Android Auto tizimlarini qoʻllab-quvvatlaydi. Interfeys oʻzbek, rus va ingliz tillarida mavjud.
Jihozlar qatoriga, shuningdek, yettita karnay va sabvuferga ega Bose audiotizimi, simsiz quvvatlagich, USB-C va USB-A ulagichlari, klimat-kontrol, Smart Key kalitsiz kirish tizimi, elektr yuritmali lyuk va rang hamda ish rejimini tanlash imkoniyatiga ega boʻlgan salonning atmosferali yoritilishi kirdi.