Keksalarga muzey va tarixiy obidalarga kirish uchun chegirma e’lon qilindi
Eslatilishicha, imtiyoz noyabr oyi davomida belgilangan madaniy meros obyektlari, davlat muzeylari va muzey-qo‘riqxonalarda amal qiladi.
Keksalar uchun muzey va tarixiy obidalarga kirishda chegirma joriy etildi
O‘zbekistonda 2026-yil 1-noyabrdan 30-noyabrgacha «Keksalar uchun turizm oyligi» tashkil etiladi. Shu doirada keksa yoshdagi fuqarolar uchun madaniy meros obyektlari, davlat muzeylari hamda muzey-qo‘riqxonalarga kirish chiptalariga 50 foizlik chegirma beriladi.
Ushbu tashabbus keksalarning tarixiy obidalar va muzeylarga borish imkoniyatlarini kengaytirish, ularning mazmunli hordiq chiqarishi hamda mamlakatning boy madaniy merosi bilan yaqindan tanishishiga xizmat qiladi.
Chegirmalar Vazirlar Mahkamasining 2026-yil 29-sentyabrdagi 1-son majlis bayonida belgilangan vazifalar asosida joriy etilmoqda.
Eslatib o‘tilishicha, imtiyoz noyabr oyi davomida belgilangan madaniy meros obyektlari, davlat muzeylari va muzey-qo‘riqxonalarda amal qiladi.