Janubiy Afrikaning yuqori lavozimli politsiyachisi jinsiy jinoyatlarda ayblandi
Hech qanday izoh bermagan Shadrak Sibiya 16 yoshli oʻsmirni jinsiy aloqaga tayyorlaganlikda va 18 yoshli qizni zoʻrlaganlikda ayblanmoqda.
Janubiy Afrikaning eng yuqori martabali politsiya mulozimlaridan biri Yoxannesburgdan shimoli-gʻarbda joylashgan suddagi qisqa muddatli mahkamadan soʻng jinsiy jinoyatlarda ayblandi.
Leytenant-general Shadrak Sibiyaga qoʻyilayotgan ayblovlar orasida 16 yoshli qizni jinsiy aloqaga undash (gruming) va 18 yoshli ayolni zoʻrlash holatlari bor. U shuningdek, odam savdosi aybloviga ham duch kelmoqda, bu esa mazkur ish doirasida boshqa shaxslar ham hibsga olinishi mumkinligini anglatadi.
Dushanba kuni hibsga olingan va vazifasidan vaqtincha chetlatilgan politsiya komissari oʻrinbosari hozircha hech qanday izoh bermadi.
59 yoshli mulozim garov evaziga ozod qilish toʻgʻrisidagi arizani koʻrib chiqish uchun 29 sentyabr kuni sudga qaytishi belgilangan. Prokurorlar garov evaziga qoʻyib yuborishga qarshi chiqishi kutilmoqda.
Milliy teleradiokompaniya – SABC xabariga koʻra, qochish rejasi ehtimoli haqidagi maʼlumotlardan soʻng, davlat suddan Sibiya vaqtincha saqlanadigan qamoqxonani oʻzgartirishni ham soʻragan.
Ushbu ish politsiya xizmati korruptsiya va jinoyatchilar bilan til biriktirish ayblovlari boʻyicha yirik jamoatchilik surishtiruvi ostida boʻlgan bir paytda yuz bermoqda.
Oʻtgan yilning sentyabr oyida boshlangan va «Madlanga komissiyasi» deb nomlangan surishtiruv jarayonida Sibiya politsiya shartnomasi evaziga jinoiy guruhning ehtimoliy rahbaridan sovgʻa sifatida 20 bosh impala (kiyik turi) olgani haqidagi daʼvolar tinglangan edi.
U ushbu ayblovni rad etgan.