Iroda Toʻlaganova olimpiya rezervlari tennis maktabiga rahbarlik qiladigan boʻldi
Dunyoning sobiq 16-chi raketkasi Iroda Toʻlaganova Oʻzbekiston Respublika tennis olimpiya zaxiralari maktabi direktori etib tayinlandi.
Iroda Toʻlaganova olimpiya zaxiralari tennis maktabiga rahbar boʻldi
Sobiq oʻzbekistonlik tennischi Iroda Toʻlaganova Respublika olimpiya zaxiralari tennis maktabi direktori etib tayinlandi.
Professional faoliyati davomida Toʻlaganova yakkalik bahslarida dunyoning WTA reytingida 16-oʻringacha koʻtarilgan. Uning xalqaro turnirlardagi ishtiroki Oʻzbekiston tennisining tanilishiga xizmat qilgan.
Maktabning asosiy vazifalari qatoriga istiqbolli yosh sportchilarni aniqlash, ularni professional faoliyatga tayyorlash, mashgʻulotlar jarayonini takomillashtirish va malakali tennischilarni tarbiyalash kiradi.
Yangi direktor rahbarligida muassasani rivojlantirish va yosh sportchilarni tayyorlash tizimini takomillashtirish boʻyicha ishlarni davom ettirish rejalashtirilgan.