Ipoteka bank OTP Group Sergelidagi yangilangan filialini qayta ishga tushirdi
Ipoteka bank OTP Group 'Sergeli' filialida yangilash ishlarini yakunlab, uning faoliyatini qayta yo‘lga qo‘ydi. Filialda mijozlarga xizmat ko‘rsatish zonalari, ichki navigatsiya tizimi hamda xodimlar uchun ish joylari yangilandi.
Ipoteka bank OTP Group tarkibidagi Sergeli filialini yangilangan holda qayta ochdi.
Mazkur filial jismoniy shaxslar va tadbirkorlik subyektlariga hisobvaraqlarni ochish va boshqarish, kreditlar ajratish, hisob-kitob-kassa xizmatlari hamda to‘lovlarni amalga oshirish kabi xizmatlarni taqdim etadi.
Filialda mijozlarga xizmat ko‘rsatish joylari va ichki yo‘naltirish tizimi yaxshilangan, shuningdek, xodimlar uchun zamonaviy ish joylari yaratilgan.
Ipoteka bank OTP Group Filiallar tarmog‘ini qo‘llab-quvvatlash boshqarmasi boshlig‘i Timur Muxitdinovning ta’kidlashicha: "Sergeli" filiali Toshkentdagi filiallar tarmog‘i orasida muhim o‘rin tutadi. Filialni yangilash jarayonida mijozlar uchun qulay xizmat ko‘rsatish hududlarini yaratish va makondan samarali foydalanishga alohida e’tibor qaratdik. Ushbu yangilanish mijozlar uchun yanada qulay sharoit yaratib, xizmat ko‘rsatish sifatini oshirishga xizmat qiladi."
Filial manzili: Sergeli tumani, Mehrigiyo ko‘chasi, 1A-uy.
Ish vaqti: Dushanbadan jumagacha, soat 09:00 dan 17:00 gacha.