Intellektual mulk sohasida yangi mukofot ta’sis etildi
O‘zbekistonda «Intellektual mulk sohasini rivojlantirishga qo‘shgan hissasi uchun» ko‘krak nishoni ta’sis etildi. Bu Vazirlar Mahkamasining
**Intellektual mulk sohasida yangi mukofot joriy etildi**
O‘zbekistonda «Intellektual mulk sohasini rivojlantirishga qo‘shgan hissasi uchun» ko‘krak nishoni ta’sis qilindi. Bu Vazirlar Mahkamasining 2026-yil 5-sentyabrdagi 471-son qarorida belgilangan.
Ko‘krak nishoni intellektual mulk sohasini rivojlantirish, intellektual mulk obyektlarining huquqiy himoyasini ta’minlash, aholining bu yo‘nalishdagi huquqiy madaniyatini oshirishga munosib hissa qo‘shgan shaxslarga topshiriladi.
Xususan, davlat va nodavlat tashkilotlari xodimlari, ilmiy-tadqiqot va ta’lim muassasalari vakillari, xalqaro tashkilotlar xodimlari hamda tadbirkorlik subyektlari mukofotga nomzod bo‘lishi mumkin. Nomzodlar haqidagi takliflar har yili 1 martga qadar Adliya vazirligiga yuboriladi. Unda nomzodning so‘nggi uch yilda intellektual mulk sohasida amalga oshirgan ishlari haqida ma’lumot ham bo‘lishi kerak.
Nomzodlar maxsus komissiya tomonidan baholanadi. Bunda intellektual mulk sohasida davlat dasturlari va normativ-huquqiy hujjatlarni ishlab chiqishdagi ishtirok, yangi intellektual mulk obyektlarini yaratishga ko‘maklashish, ularning huquqiy himoyasini ta’minlash va huquqbuzarliklarning oldini olishga qo‘shilgan hissa inobatga olinadi.
Ko‘krak nishoni har yili 26-aprel — Xalqaro intellektual mulk kuni arafasida topshiriladi. Mukofotlangan shaxslarga ko‘krak nishoni va guvohnoma bilan birga 20 BHM miqdorida bir martalik pul mukofoti ham beriladi.
Bir shaxs mazkur ko‘krak nishoni bilan faqat bir marta taqdirlanishi mumkin.
Qaror bilan ko‘krak nishonining tavsifi, namunasi, guvohnomasi hamda nomzodlarni tanlash va taqdirlash sxemasi ham tasdiqlangan.