Indoneziyada choʻkkan parom: 129 kishi besh kundan buyon topilmayapti
Yava dengizida halokatga uchragan kemadagilarni qidiruv ishlari davom etmoqda. Bortida 243 kishi va 89 ta avtomobil boʻlgan ulkan parom suv ostida, qariyb 30 metr chuqurlikda yotibdi. Fojida 108 kishi omon qolgan, 129 kishi esa besh kundan buyon bedarak.
**Indoneziyada cho‘kkan parom: 129 kishi besh kundan buyon topilmayapti**
13-sentabrga o‘tar kechasi Yava dengizida falokatga uchragan Indoneziya yo‘lovchi paromidan bedarak yo‘qolganlarni qidirish besh kundir davom etmoqda. Hodisa Yava va Borneo orollarini bog‘lovchi, taxminan 20 soatlik dengiz yo‘nalishida yuz bergan edi.
Surabaya shahridan yo‘lga chiqqan «Virgo Transport 8» paromi kapitani 3 metrgacha ko‘tarilgan to‘lqinlar orasida kema og‘ayotganini bildirgan favqulodda signal yuborgan. Yakshanba kuni tungi soat ikkilar atrofida aloqa uzilgan. Ikki soatdan keyin esa kema o‘z manzili — Banjarmasindan qariyb 148 kilometr uzoqlikdagi suvlarda ag‘darilgani ma’lum bo‘lgan.
Shu bilan birga, agentlik Indoneziyada yo‘lovchilarning haqiqiy soni ro‘yxatdagidan farq qilishi odatiy hol ekanini eslatadi.
Falokat oqibatida olti kishi halok bo‘lgan, 108 kishi omon qolgan, 129 kishi esa hanuz bedarak. Reuters nashri bu raqamlar yakshanba kunidan beri o‘zgarmaganini yozmoqda.
119 metrli parom 1987-yilda Yaponiyada qurilgan. U o‘tgan yilgacha kunchiqar yurtda xizmat qilgan, keyin esa Indoneziyadagi hozirgi operatori — PT Virgo C.SH. kompaniyasiga sotilgan.
**Bir necha daqiqada yuz bergan fojia**
Omon qolganlarning hikoyalari halokat qanchalik tez sodir bo‘lganini ko‘rsatadi. Indoneziya davlat axborot agentligi bilan suhbatlashgan ekipaj a’zosi Akmal hech qanday ogohlantiruvchi belgi sezmaganini aytadi:
«Kema juda tez, besh daqiqaga qolmay cho‘kib ketdi»
Uning so‘zlariga ko‘ra, u signalni kemadan xavfsiz masofaga chiqqachgina eshitgan.
Paromda ofitsiant bo‘lib ishlagan Rizki Aprianshahni do‘stlari tungi soat birlarda uyg‘otganida, kema allaqachon qariyb 30 gradusga og‘ib qolgan edi. Rizki ham ogohlantiruv signali chalinmaganini aytgan. U do‘stlari bilan suvda qalqib yurgan katta gaz balloniga yopishib, 10 soatcha najot kutgan.