Ilon Mask Tesla va SpaceX birlashuvi «yaxshi gʻoya» boʻlishini aytdi
Maskning taʼkidlashicha, yirik birlashuv uning kompaniyalariga koʻplab foyda keltirgan boʻlardi.
Ilon Mask Tesla va SpaceX’ni birlashtirish “yaxshi gʻoya” boʻlishini aytdi
Ilon Mask oʻzining eng mashhur ikki kompaniyasi — Tesla va SpaceX’ni birlashtirish istiqboli yoqishini hamda bu gʻoya faol koʻrib chiqilayotganini aytdi.
“Bu yaxshi gʻoya boʻladi deb oʻylaymanmi? Ha”, — dedi Mask seshanba kuni moliyaviy tahlilchilar bilan SpaceX’ning choraklik biznes natijalari boʻyicha oʻtkazilgan muloqot chogʻida.
Mask bunday birlashish aniq yuz beradi deb hech kim xulosa qilmasligi kerakligini va bu aktsiyadorlarning roziligini talab qilishini aytgan boʻlsa-da, har ikkala kompaniyada buni oʻrganib chiqish uchun maxsus qoʻmitalar tuzilganini bildirdi.
“Maxsus qoʻmitalar bitim shartlari boʻyicha kelishuvga erishgani yoʻq va ularning kelishib olishiga hech qanday kafolat yoʻq”, — deya qoʻshimcha qildi Mask. “Biroq, manmanki, birlashishda juda katta mantiq va qoʻlga kiritiladigan foyda bor”.