Ilhom Aliyev Oʻzbekistonga keldi
«Toshkent-Humo» xalqaro aeroportida oliy martabali mehmonlarni davlat rahbari va rafiqasi kutib olishdi.
Ilhom Aliyev Oʻzbekistonga tashrif buyurdi
Ozarboyjon Respublikasi Prezidenti Ilhom Aliyev, Oʻzbekiston Prezidenti Shavkat Mirziyoyevning taklifiga binoan, rafiqasi bilan birga 23-avgust kuni davlat tashrifi bilan Oʻzbekistonga keldi.
"Toshkent-Humo" xalqaro aeroportida oliy martabali mehmonlarni Oʻzbekiston rahbari va uning rafiqasi kutib oldi. Aeroportda ikki davlat bayroqlari koʻtarilib, faxriy qorovul saf tortdi.
Tashrif dasturiga koʻra, bugun Oʻzbekiston va Ozarboyjon yetakchilari oliy darajadagi muzokaralar oʻtkazadilar hamda Oliy davlatlararo kengashning uchinchi yigʻilishini oʻtkazishadi.
Sammit davomida bir qator muhim hujjatlar imzolanishi, shuningdek, qator iqtisodiy va gumanitar loyihalar ishga tushirilishi rejalashtirilgan.