Ikki vokzal, aeroport va avtovokzal: Toşkentda yagona transport boğlamasi yaratilişi mumkin
2027-yil iyuldan «Toşkent-Şimoliy» va «Toşkent-Janubiy» temiryöl vokzallari, «Toşkent» xalqaro aeroporti hamda «Toşkent» markaziy avtovokzalini özaro boğlovçi yagona transport boğlamasini yaratiş taklif qilinmoqda.
Ikki vokzal, aeroport va avtovokzal: Toshkentda yagona transport bog‘lamasi yaratilishi mumkin
Bu mahalliy yo‘lovchi tashuvlarini 2030-yilgacha kompleks rivojlantirish strategiyasini tasdiqlash haqidagi qaror loyihasida nazarda tutilgan.
Taklif Toshkent shahri va Toshkent viloyatida transport qatnovlarini o‘zaro uyg‘unlashtirishga qaratilgan. Maqsad — poyezd, samolyot va avtobusdan foydalanadigan yo‘lovchilar uchun bir transport turidan boshqasiga o‘tishni qulaylashtirish.
Loyihada Chirchiq, Yangiyo‘l, Angren va Olmaliqdan keluvchi yo‘lovchilar uchun shahar atrofi elektropoyezdlari qatnovlari sonini 1,5 barobarga oshirish ham ko‘zda tutilgan. Shuningdek, metro bekatlariga bevosita transfer tashkil etish taklif qilinmoqda.
Transport turlari o‘rtasidagi bog‘liqlikni yaxshilash uchun harakat jadvallarini ham qayta ko‘rib chiqish nazarda tutilgan. Bunda avtobuslar qatnov vaqtini yo‘lovchi poyezdlari va aviareyslar jadvaliga muvofiqlashtirish rejalashtirilmoqda.
Hujjat hozircha loyiha bo‘lib, mazkur choralar taklif sifatida keltirilgan.