Idish-tovoq yuvishga chek qoʻyildi: Airbnb’ning yangi uy qoidalari mezbonlar va mehmonlarni qanday qilib ikki lagerga boʻlib qoʻydi

Idish-ayoq yuvishga chek qoʻyildi: Airbnb’ning yangi uy qoidalari mezbonlar va mehmonlarni qanday qilib ikki lagerga boʻlib qoʻydi

Liza Klyus bir guruh mehmonlar chiqib ketganidan keyin Uelsdagi dam olish uyiga qaytib kelganida, ular qoldirgan ahvolni koʻrib dahshatga tushdi.

Faqat bir necha kun oldin u bu guruh bilan yuzma-yuz koʻrishib, yuklarini tashishga yordam bergan edi.

Biroq tushlikdan soʻng uy "total tartibsizlik" holatida qoldirilgan edi: singan stakanlar, polda ichimlik bankalari, stolda ovqatga toʻla qozonlar va bogʻda qoldirilgan baliq ichaklari.

"Bu haqiqatan ham ishongisiz edi. Agar oʻsha kuni boshqa bron boʻlganida, men chiqish/kirish vaqtini bekor qilishim yoki kechiktirishimga toʻgʻri kelardi", deydi Klyus.

U farrosh xarajatlarining taxminan 75 foizini qoplaydigan tozalash toʻlovini undiradi va mehmonlardan muzlatgichni boʻshatishni, chiqindilarni axlat qutilariga solishni va idish yuvish mashinasini toʻldirishni soʻraydi.

Klyusning aytishicha, farroshlarga uning mulkini qayta tayyorlash uchun odatda toʻrt soat ketadi va mehmonlar bundan ham koʻproq tartibsizlik qoldirishi xarajatlarni oshirib yuborishidan xavotirda.

Linki Airbnb’ning yangi qoidalari mezbonlar endi mehmonlardan odatda farroshlar tomonidan bajariladigan vazifalarni, jumladan, idish-ayoqlarni yuvish va joyiga qoʻyish, oʻrin-joylarni yigʻib olish va chiqindilarni hududdan tashqariga olib chiqishni soʻray olmasligini anglatadi.

20 noyabrdan boshlab butun dunyo boʻylab qilingan bronlarga tatbiq etiladigan qayta koʻrib chiqilgan koʻrsatmalarga koʻra, mezbonlar endi yettita standart uy qoidalarini belgilashi va boshqa "oqilona" iltimoslarni qoʻshishi mumkin.

Klyusning aytishicha, farroshlarga uch xonali mulkini tartibga solish uchun odatda toʻrt soat ketadi. U mehmonlar koʻproq tartibsizlik qoldirishi qoʻshimcha farroshlarni yollash va xarajatlarni oshirishni anglatishi mumkinligidan qoʻrqadi – bu xarajatlar oxir-oqibat uning mehmonlari zimmasiga tushishi mumkin.

Bu oʻzgarishlar Jessika Nyuhuk kabi mehmonlar tomonidan mamnuniyat bilan kutib olindi, u koʻpincha yuqori tozalash toʻlovlari bilan bir qatorda uzun chiqish roʻyxatlariga duch kelganini aytadi.

U Floridada 11 kishilik oilaviy uchrashuv uchun Airbnb orqali uy bron qilgan va 250 dollar (£187) tozalash toʻlovini toʻlaganiga qaramay, ular "mulkni farroshlar uchun koʻchib kirishga tayyor holatda qoldirishlari" kerak boʻlganini aytadi.

Nyuhukning aytishicha, mezbon ularga sochiqlarni yuvish va taxlashni, oʻrin-joy va oshxonani tozalashni, pollarni supirib-artishni aytgan. Shuningdek, u mezbon tomonidan ularning xulq-atvori yaxshilanishi kerakligi, aks holda chiqib ketishi soʻralishi mumkinligi haqida ogohlantirilgan, chunki ular stullarni axlat qutilarini toʻsib qoʻyadigan qilib qoldirishgan edi.

"Bizda hamma narsa boʻyicha qoidalar bor edi va bu umuman hordiq chiqarish emas edi."

Nyuhuk Airbnb’da qolishning uydagidek qulayliklaridan zavqlansa-da, qaʼtiy qoidalar va oʻsib borayotgan tozalash toʻlovlarining aralashmasi jozibadorlikning katta qismini yoʻqotganini aytadi.

"Ish mehmonxona arzonroq boʻladigan va men nimani kutishni biladigan darajaga yetmoqda."

Glazgolik 46 yoshli Krissi Foskett milliy tozalash kompaniyasini boshqaradi va muntazam ravishda Airbnb mulklarida toʻxtaydi, shuning uchun "muammoni ikkala tomondan ham koʻra oladi".

Krissining aytishicha, hurmatli mehmon boʻlish va siz shunchaki qolish uchun pul toʻlagan biznesni yuritishga yordam berish kutilishi oʻrtasida farq bor

Yaqinda Staffordda boʻlganida, u £35 tozalash toʻlovini toʻlagan, ammo baribir undan oʻrin-joylarni yigʻib olish, kir yuvish mashinasini yoqish, axlat qutilarini boʻshatish va chiqindilarni uzun yoʻlka boʻylab qayta ishlash hududiga olib borish soʻralgan.

"Men bu narsalarni qilishga alohida qarshi emasman, lekin bu meni aynan nima uchun qoʻshimcha tozalash toʻlovini toʻlayotganim haqida oʻylab qolishga majbur qildi", deydi u.

Foskett uchun eʼtiborli mehmon boʻlish – "kir idishlarni idish yuvish mashinasiga solish" va "mulkni keyingi mehmonlarga tayyorlashi kutilishi" oʻrtasida farq bor.

Oʻzining tozalash biznesi orqali u boshqa chekkalikni ham koʻrgan, jamoalar kelib singan mebellar, qusiq va uy hayvonlarining siydigini topgan.

U tigʻiz topshirish vaqtlari va oʻsib borayotgan tozalash xarajatlariga duch kelayotgan mezbonlarga hamdardlik bildirsa-da, bu xarajatlar mehmonlar zimmasiga yuklanmasligi kerak, deydi u.

"Agar siz Airbnb’ni biznes sifatida yuritayotgan boʻlsangiz, professional tozalash bu biznes yuritish xarajatidir."

Turmush oʻrtogʻi bilan Shimoliy Yorkshirda dam olish kottejlariga hamegalik qiladigan Entoni Marsh ilgari oʻzlarining 12 ta mulkidan beshtasini Airbnb’da roʻyxatdan oʻtkazgan edi, ammo yangi qoidalar uni bu sonni bor-yogʻi ikkitaga kamaytirishga undaganini aytadi.

Uning oʻzgarishlar boʻyicha xavotiri shundaki, "Airbnb amalda mehmonlarga kelib mulklarni axlatxonaga aylantirishga ruxsat berdi va mezbon bu boʻyicha hech narsa qila olmaydi".

Entoni va uning turmush oʻrtogʻi ilgari Shimoliy Yorkshirdagi 12 ta kottejidan beshtasini Airbnb’da roʻyxatga olishgan edi...

... lekin yangi qoidalar fonida endi bor-yogʻi ikkitasini roʻyxatga olishadi

U mehmonlardan idishlarni yuvishni va axlatni olib chiqishni soʻrash aslo aqlsizlik emasligiga ishonadi va kichik tozalash jamoasi hamda tigʻiz topshirish vaqtlari bilan, qoʻshimcha tartibsizlik mulklarni keyingi keluvchilar uchun tayyor boʻlmagan holda qoldirishidan xavotirda.

"Bu sogʻlom fikr va oddiy odob-axloq qoidasidir", deydi u.

Uning kompaniyasi tozalash toʻlovini undirmaydi va Marshning aytishicha, aksariyat mehmonlar hurmat bilan munosabatda boʻlishadi. Ammo toʻlovlar yoʻqdan koʻra koʻproq uchraydi. AirROI maʼlumotlariga koʻra, Airbnb roʻyxatlarining qariyb 63,2 foizi tozalash toʻlovini undiradi, oʻrtacha narxi £55 ni tashkil etadi

Lora Lyuis dam olish uylari egalariga oʻz mulklarini bozorga chiqarish va boʻlajak mehmonlar bilan bogʻlanishga yordam beradigan katalogni boshqaradi.

Uning koʻplab mijozlari Airbnb’da ham mulklarini joylashtirishadi va u aksariyat yangi qoidalardan norozi ekanini aytib, mehmonlardan idish-ayoqlarni yuvishni soʻrash oddiy hurmat masalasi ekanini taʼkidlaydi.

"Baʼzi odamlar bu tozalash toʻloviga kiritilgan deyishadi, lekin men dam olish uyini hamma idish-ayoqlarni yuvish uchun qoldirib ketmagan boʻlardim. Bu toʻgʻri emas", deydi u.

Bu eʼlon oʻtgan yili Airbnb komissiya stavkalari oshirilganidan keyin egalar orasida ortib borayotgan norozilikka yanada moy sepdi. Koʻpchilik toʻgʻridan-toʻgʻri bronlarni jalb qilish va platforma toʻlovlaridan qochish uchun oʻz veb-saytlari va ijtimoiy tarmoqlariga sarmoya kiritmoqda.

Lyuis oʻz fermasidagi uchta daraxt-uy bilan ham xuddi shunday yondashuvni qoʻlladi – uning bronlarining aksariyati allaqachon toʻgʻridan-toʻgʻri va u endi oʻz eʼlonlarini Airbnb’dan butunlay olib tashlashni rejalashtirmoqda.

Biroq, hamma mezbonlar ham oʻzgarishlardan xavotirda emas. Baʼzi boshqa Airbnb mulklarini toʻliq stavkada mezbonlik qiluvchi va boshqaradigan Mett Proshning ishonishicha, bu yangilanish aksariyat odamlarning oʻzini tutishini oʻzgartirmasdan mehmonlar tajribasini yaxshilaydi.

Prosh Covid davrida Airbnb’ning ham-mezbonlar tarmogʻiga qoʻshilgan va hozirda 3000 ga yaqin mezbonlardan iborat London jamoasiga rahbarlik qiladi

Uning London janubi-gʻarbidagi mulkidagi mehmonlardan faqat eshikni qulflash va kalitlarni qaytarish soʻraladi. "Odamlar baʼzan men soʻramasimdan oʻrin-joylarni yigʻishadi yoki narsalarni qilishadi, va bu farroshlarim uchun yoqimli, lekin men buni kutmayman."

Prosh Airbnb’ning oʻzaro sharhlar tizimiga ishora qilib, oʻzgarishlar mehmonlarning mulklarni yomonroq holatda qoldirishiga olib kelishiga shubha qiladi.

"Agar men katta yumushlar roʻyxatini qoʻysam, besh yulduzli sharh kutmagan boʻlardim va aksincha – agar mehmon joyni axlatxona holida qoldirsa, siz unga yaxshi sharh bermaysiz."

U tizim ikkala tomonni ham oqilona munosabatda boʻlishga undashiga va aksariyat mehmonlar mulklarga hurmat bilan munosabatda boʻlishda davom etishiga ishonadi.

"Airbnb bemani narsalarni cheklashga harakat qilmoqda, chunki bu yaxshi mehmon tajribasi emas."