Google oʻzbekistonlik talabalarga bir yil davomida Gemini AI Plus xizmatidan bepul foydalanish imkoniyatini taklif etmoqda
Oʻzbekistondagi universitet talabalari Google kompaniyasining Sun'iy intellekt vositalaridan kengaytrilgan foydalanish imkoniyati va 400 GB bulutli xotira maydonini taqdim etadigan Gemini AI Plus tarifiga bir yillik bepul obunani qoʻlga kiritishlari mumkin.
Google oʻzbekistonlik talabalarga Gemini AI Plus tizimidan bir yil davomida bepul foydalanish imkoniyatini taklif etmoqda.
Ushbu taklifdan foydalanish uchun talabalar «Besh million sunʼiy intellekt yetakchilari» tashabbusi doirasida yoʻlga qoʻyilgan Aileaders.uz platformasiga kirib, oʻzlarining talabalik maqomini tasdiqlashlari kerak, deyiladi Raqamli texnologiyalar vazirligi xabarida.
Mazkur taklif Google’ning talabalarni xalqaro darajada tasdiqlash boʻyicha hamkori — SheerID kompaniyasi vazirlik tomonidan erishilgan kelishuvdan soʻng Oʻzbekistonni qoʻllab-quvvatlanadigan mamlakatlar roʻyxatiga qoʻshganidan keyin mavjud boʻldi.
Vazirlik maʼlumotlariga koʻra, odatda ushbu obuna narxi oyiga $4,99 dollarni tashkil etadi, shuning uchun 12 oylik taklif har bir talaba uchun qariyb $60 dollarga teng qiymatga ega.
Ushbu tarif rejasi Gemini’dan foydalanish limitlarini ikki baravarga oshiradi va Flash Thinking modeliga kirish imkonini beradi. U shuningdek, sunʼiy intellekt yordamida kinematografik sahnalarni yaratadigan Google Flow platformasini hamda Google’ning sunʼiy intellektga asoslangan tadqiqot va qaydlar yuritish vositasi boʻlmish Gemini Notebook’dan kengaytirilgan tarzda foydalanish imkoniyatini oʻz ichiga oladi.
Obunachilar, shuningdek, Gmail’ga oʻrnatilgan sunʼiy intellekt funktsiyalaridan foydalanishlari va Google xizmatlaridagi fayllar, fotosuratlar hamda boshqa kontentlar uchun 400 GB bulutli xotiraga ega boʻlishlari mumkin.