Germaniyada gulchilik va bog‘bonlik sohasida o‘qish va ishlash uchun qabul ochildi
Migratsiya agentligi va Germaniya Federal bandlik agentligi 2027-yil fevralda boshlanadigan APAL (Ausbildung) dasturiga qabul ochdi. 18−25 yoshdagi, nemis tilini kamida B1 darajasida biladigan yoshlar gulchilik va bog‘bonlik bo‘yicha uch yillik bepul ta’lim olishi mumkin. Arizalar 20-oktabrgacha qabul qilinadi.
Germaniyada gulchilik va bog‘bonlik yo‘nalishlarida o‘qish hamda ishlash uchun qabul boshlandi
Migratsiya agentligi Germaniya Federal bandlik agentligi bilan hamkorlikda 2027-yil fevralida start oladigan APAL (Ausbildung) dasturiga qabul ochilganini ma’lum qildi.
Dastur doirasida gulchilik va bog‘bonlik yo‘nalishlari bo‘yicha uch yillik dual kasb-hunar ta’limi taklif etiladi. Ta’limni muvaffaqiyatli yakunlaganlar Germaniyada doimiy ishlash imkoniyatiga ega bo‘ladi.
Dasturda 18−25 yoshdagi, nemis tilini kamida B1 darajasida biladigan yigit-qizlar qatnashishi mumkin. Nomzodlarda Goethe, ECL, telc, DSD, ÖSD yoki TestDaF sertifikatlaridan biri bo‘lishi kerak. Sertifikat 2026-yil fevraldan oldin olingan bo‘lmasligi lozim.
O‘rta maktab, kollej, litsey yoki texnikum bitiruvchilari dasturda ishtirok etishi mumkin. Oliy ma’lumotga ega nomzodlar qabul qilinmaydi.
Ta’lim jarayonida qatnashchilarga Germaniyaning qaysi federal yerida o‘qishiga qarab, oylik stipendiya beriladi. Uning miqdori birinchi yilda 724−900 yevro, ikkinchi yilda 854−1000 yevro, uchinchi yilda esa 977−1100 yevroni tashkil etadi. Bu soliqlar va boshqa majburiy ushlanmalardan oldingi — brutto summalardir.
Loyiha ishtirokchilari uchun quyidagi imtiyozlar ham ko‘zda tutilgan:
Hujjatlar 20-oktabrgacha qabul qilinadi. Qo‘shimcha ma’lumot olish uchun Migratsiya agentligining 1282 qisqa raqamiga qo‘ng‘iroq qilish mumkin.
Ausbildung — Germaniyadagi o‘rta maxsus ta’lim turi bo‘lib, u nazariy o‘qish va ish joyidagi amaliy stajirovkani birlashtiradi.