Germaniya Oʻzbekistonning agrar salohiyatiga qiziqish bildirdi
Germaniya Oʻzbekistonning agrar salohiyatiga qiziqish bildirdi
Germaniya Oʻzbekiston bilan qishloq xoʻjaligi sohasida, jumladan, agrar mahsulotlar savdosi va ilmiy tadqiqotlar oʻtkazishda hamkorlikni kengaytirishdan manfaatdor. Bu mavzular 26 oktyabrdan 28 oktyabrgacha Oʻzbekistonda boʻlib turgan Germaniya Federal qishloq xoʻjaligi, oziq-ovqat va hududiy oʻzlikni anglash vazirligining parlament stats-sekretari Martina Englxardt-Kopf tashrifi dasturiga kiritilgan.
Tomonlar agrar va oziq-ovqat sohalarida ikki tomonlama hamkorlikni rivojlantirish istiqbollarini, shuningdek, keyingi agrar-siyosiy muloqotni muhokama qilishni rejalashtirmoqda.
Germaniya stats-sekretari bilan birgalikda Oʻzbekistonga Germaniya ishbilarmon va ilmiy doiralari vakillaridan iborat delegatsiya tashrif buyurdi. Tashrif davomida ular savdo va ilmiy-tadqiqot faoliyatida hamkorlikni kengaytirish imkoniyatlari bilan tanishadilar.
Englxardt-Kopf Oʻzbekistonni Germaniyaning Markaziy Osiyodagi muhim hamkori deb atadi va Berlinning ikki mamlakat oʻrtasidagi munosabatlarni yanada mustahkamlashdan manfaatdorligini taʼkidladi.
Uning soʻzlariga koʻra, Oʻzbekiston qishloq xoʻjaligida salmoqli salohiyatga ega. Germaniya, oʻz navbatida, qishloq xoʻjaligi mahsulotlari eksportini rivojlantirish strategiyasiga muvofiq va oʻzaro manfaatlarni hisobga olgan holda hamkorlikni kengaytirishdan manfaatdor.
, Qashqadaryo viloyatida qishloq xoʻjaligini rivojlantirish hisobiga 200 ming kishi qoʻshimcha daromad olishi mumkinligi haqida. 100 ming gektar yaylovga dronlar yordamida qurgʻoqchilikka va shoʻrga chidamli ozuqa ekinlari ekish rejalashtirilmoqda.