Gʻarbiy Sohildagi otishmada besh isroillik yaralandi va falastinlik hujumchi ekani gumon qilingan ikki kishi oʻldirildi
Hujum Gʻarbiy sohilda munosabatlar keskinlashgan bir paytda va Isroildagi umumiy saylovlarga toʻrt kun qolganda yuz berdi.
Gʻarbiy Sohildagi otishmada besh isroillik yaralandi va hujumda gumon qilingan ikki falastinlik oʻldirildi
Hujum Hevron shahriga kirish joyidagi harbiy nazorat-oʻtkazish punktida sodir boʻldi
Isroil rasmiylarining bildirishicha, egallangan Gʻarbiy Sohilda sodir boʻlgan otishmadan soʻng besh isroillik yaralangan va hujumda gumon qilingan ikki falastinlik Isroil xavfsizlik kuchlari tomonidan oʻldirilgan.
Ijtimoiy tarmoqlarda joylashtirilgan tasdiqlanmagan tasvirlarda Hevron shahriga kirish joyidagi harbiy nazorat-oʻtkazish punktida askarlar va qurollangan shaxslar oʻrtasidagi shiddatli otishma aks etgan.
Ushbu hujum Gʻarbiy Sohilda vaziyat keskinlashgan, radikal yahudiy koʻchmanchilar har yilgi zaytun hosili yigʻib-terib olish paytida falastinliklarni nishonga olayotgan va Isroildagi umumiy saylovlarga toʻrt kun qolgan bir paytda sodir boʻldi.
Isroil harbiylari hujumchilarning transport vositasidan katta miqdordagi oʻq-dorilar topganini va ular juda katta miqyosdagi hujumni rejalashtirgan deb hisoblashini maʼlum qildi.
Saylovoldi kampaniyasida asosiy urgʻuni xavfsizlikka qaratgan Isroil Bosh vaziri Binyamin Netanyaxu Hevronda lokdaun eʼlon qildi va oʻzining "Likud" partiyasi ertalabki saylovoldi tadbirlarini bekor qilishini aytdi.