Floridada alligator baliq ovlayotgan 71 yoshli erkakni oʻldirdi
Xabarlarga koʻra, uzunligi 3,7 metr (12 fut) boʻlgan alligator erkakni Orlando yaqinida baliq ovlayotgan joyida suvga tortib ketgan.
Floridada alligator baliq ovlayotgan 71 yoshli erkakni oʻldirdi
Florida markazidagi parkda baliq ovlayotgan 71 yoshli erkak alligator hujumi oqibatida halok boʻldi, xabar berdi politsiya.
Erkak Uinter-Garden shahridagi Apopka koʻli yaqinida baliq ovlayotgan vaqtda 3,7 metrli (12 furt) alligator qirgʻoqqa yaqinlashib, unga hujum qilgan, dedi politsiya kapitani Maykl Meyson juma oqshomida.
Hujum juma kuni mahalliy vaqt bilan soat 17:00 atrofida (BST boʻyicha 22:00) Orlandodan bir necha mil gʻarbda joylashgan Doktor Bredford Memorial parkida sodir boʻlgan.
Florida baliqchilik va janggari tabiatni muhofaza qilish komissiyasi (FWC) maʼlumotlariga koʻra, shtatda taxminan 1,3 million alligator yashashiga qaramay, ularning odamlarga hujum qilishi nisbatan kam uchraydigan holdir.
"Apopka koʻlida juda koʻp alligatorlar bor, shuning uchun shaharning bu qismida alligatorlarni koʻrish umuman hayratlanarli emas", dedi Meyson.
Alligator "jamoatchilik uchun xavf sifatida yoʻqotildi" va tuzoqchilar tomonidan "yoʻq qilindi", dedi u.
"Atrofingizga hamisha eʼtiborli boʻling, hamisha xavfsizlikni saqlang. Mahalliy janggari tabiatni hurmat qiling, undan yiroqroq yuring", dedi Meyson. "U yuvoshdek, Florida ramzidek tuyulishi mumkin, ammo xavfli boʻlishi mumkin."
Erkakka qirgʻoqda hujum qilganidan soʻng, alligator uni suvga sudrab ketishga muvaffaq boʻlgan, xabar berdi FWC BBC'ning AQShdagi hamkori CBS News iqtibosiga tayanib.
Bu hujum joriy yilda Floridada alligator tufayli yuz bergan ikkinchi oʻlim holatidir; iyun oyida 31 yoshli ayol Orlando yaqinida doʻstlari bilan suzayotganda halok boʻlgan edi.
Alligatorlar Floridaning koʻpgina hududlarida, ayniqsa koʻllar, daryolar va oʻtloq maydonlarda tez-tez uchraydi.
FWC maʼlumotlariga koʻra, 1948 va 2025 yillar oraligʻida shtatda yuz bergan umumiy 500 ta hodisadan 32 tasi alligatorlarning oʻlim bilan yakunlangan hujumi boʻlgan.