Feminist faol va jurnalist Gloriya Staynem 92 yoshida vafot etdi
Uning jamgʻarmasi u Nyu-Yorkdagi uyida «oʻzini yaxshi koʻrgan koʻplab insonlar qurshovida, tinchgina vafot etganini» maʼlum qildi.
Feminist faol va jurnalist Gloriya Staynem 92 yoshida vafot etdi
AQShdagi ayollar ozodligi harakatining eng taniqli siymolaridan biriga aylangan Gloriya Staynem 92 yoshida vafot etdi, deb xabar bermoqda uning jamgʻarmasi.
Instagram’dagi postda aytilishicha, u Nyu-Yorkdagi uyida, «uni yaxshi koʻradigan koʻplab insonlar qurshovida, tinchgina hayotdan koʻz yumgan».
Yozuvchi va jurnal muharriri boʻlgan Staynem 50 yildan koʻproq vaqt oldin seksizmga qarshi kurashishga bagʻishlangan «Ayollar harakati ittifoqi» (Women's Action Alliance) guruhiga hammuassislik qilgan edi.
U jurnalistlik faoliyatini 1970 yillarda Nyu-Yorkda boshlagan va keyinchalik uy roʻzgʻor ishlarining xavf-xatarlari hamda goʻzallik industriyasi talablaridan tashqaridagi ayollar muammolariga eʼtibor qaratgan ilk nashrlardan biri — «Ms.» jurnaliga hammuassislik qilgan.
1970 yillarda Staynem ayollarning reproduktiv huquqlarini himoya qilgan yetakchi ovozlardan biri edi.
U AQSh Oliy sudining 1973 yildagi «Rou Ueydga qarshi» (Roe v Wade) ishi boʻyicha chiqargan, ayollarga abort qilish boʻyicha konstitutsiyaviy huquq bergan qarorini olqishlagan edi. Oradan deyarli yarim asr oʻtib, u ushbu qarorning bekor qilinishiga guvoh boʻldi.