Estoniya Rossiya bilan chegaraga elita qoʻshinlarini toʻplamoqda - FT
Estoniya Rossiya bilan ehtimoliy toʻqnashuvga tayyorgarlik doirasida harbiy strategiyasini oʻzgartirmoqda: elita qismlari Rossiya chegarasiga yaqinlashtirilib, 300 kilometrgacha masofaga zarba bera oladigan qurollar xarid qilinmoqda.
Estoniya Rossiya bilan chegaraga elita qoʻshinlarini jamlamoqda — FT
Estoniya Rossiyaning ehtimoliy bosqiniga tayyorgarlik koʻrar ekan, elita bo‘linmalarini Rossiya chegarasiga yaqinroq joylarga koʻchirmoqda va uzoq masofaga zarba bera oladigan qurollarni xarid qilmoqda.
Estoniya qurolli kuchlari va razvedkasi rahbariyati Moskva NATO bilan, hech boʻlmaganda yaqin ikki yil ichida, keng koʻlamli urush boshlash niyatida emas, degan fikrda emas, biroq Rossiya kelajakdagi ehtimoliy toʻqnashuvga hozirlik koʻrayotganini taxmin qilmoqda.
«Tiyib turish mexanizmi ish bermayapti. Ushbu muammoni hal qilish uchun oʻta muhim pallaga kelyapmiz - bu ham biz uchun, ham barcha Boltiqboʻyi mamlakatlari uchun yaqin bir-toʻrt yil ichida boshlanadi», - dedi Estoniya harbiy razvedkasining yuqori martabali vakili.
Estoniyaning asosiy harbiy bazasi bo‘lgan Tapadan tanlab olingan qismlar hozir muntazam ravishda sharqroqda, Rossiya chegarasiga yaqinroq joylashgan pozitsiyalarga ko‘chirilmoqda.
Yixvidagi yangi bazadan tashqari, Narvada ham 1000 nafargacha harbiy xizmatchini joylashtirishga mo‘ljallangan baza qurilmoqda: u 200 askarning doimiy yashashi uchun mo‘ljallangan, biroq inqirozli vaziyat yuz bersa, yana 800 kishini ham sig‘dira oladi.
Shuningdek, so‘nggi bir yil ichida Estoniya Amerikaning 300 km masofaga uchadigan M57 ballistik raketalarini o‘z ichiga olgan to‘qqizta HIMARS yoppasiga o‘t ochish reaktiv tizimi hamda xuddi shunday masofaga ucha oladigan Janubiy Koreyaning to‘qqizta Chunmoo tizimini xarid qilish bo‘yicha shartnoma imzoladi. Tapadan Sankt-Peterburggacha bo‘lgan masofa 260 km ni tashkil etadi.
Ushbu strategiyaga ko‘ra, Rossiya bostirib kirsa, chaqiruv asosida to‘plangan qo‘shinlar tezkor safarbarlik qilib, NATO qo‘shimcha kuchlari yetib kelguniga qadar partizanlik urushini olib borishi va dushman kuchlarini holdan toydirishi kerak.
Biroq Rossiyaning Ukrainadagi harakatlarini tahlil qilgan Estoniya harbiy rahbariyati bunday reja samara bermaydi degan xulosaga kelgan. Endi ular Kreml yo‘qotishlar bilan hisoblashmaydi, degan fikrda. Estoniyada, shuningdek, rossiyalik harbiylar egallangan marralarni qaytarib bermasdan, hatto hududdagi hamma narsa yer bilan yakson qilingan bo‘lsa ham, uni o‘z nazoratida ushlab turishda davom etayotganiga e’tibor qaratildi.