Eng koʻp ilon turlari yashaydigan 10 ta davlat
Meksika ilon turlari xilma-xilligi boʻyicha dunyoda birinchi oʻrinni egalladi - mamlakatda 438 turdagi ilon uchraydi. Keyingi oʻrinlarda 420 tur bilan Braziliya va 376 tur bilan Indoneziya qayd etilgan. Top-10 reytingdan Hindiston, Kolumbiya, Xitoy, Ekvador, Vetnam, Malayziya va Avstraliya ham joy olgan.
**Ilon turlari eng koʻp tarqalgan 10 ta davlat**
Ilonlar sayyoramizdagi eng xilma-xil va ekologik jihatdan muhim sudralib yuruvchilardan biri boʻlib, ular choʻllardan tortib nam tropik oʻrmonlargacha boʻlgan turli xil tabiiy sharoitlarda yashaydi. Ular ekotizimda ham yirtqich, ham boshqa hayvonlar uchun oʻlja sifatida oziq-ovqat zanjirining muhim qismi hisoblanadi va shu orqali tabiiy ekologik muvozanatni saqlashda ishtirok etadi.
Worldostats maʼlumotlariga koʻra, tabiiy va geografik sharoitlari xilma-xil boʻlgan mamlakatlarda ilon turlari koʻproq ekani qayd etilgan. Quyida ilon turlari eng koʻp tarqalgan davlatlar reytingi keltirilgan:
**1. Meksika – 438 tur**
Meksika 438 turdagi ilon bilan reytingda birinchi oʻrinda turadi. Mamlakatda qurgʻoqchil choʻllardan nam tropik oʻrmonlargacha boʻlgan turli ekotizimlarning mavjudligi ilonlarning koʻplab turlari yashashi uchun qulay sharoit yaratadi. Meksikadagi mashhur turlar qatoriga shaqildoq ilonlar va yorqin rangli sut ilonlari kiradi.
**2. Braziliya – 420 tur**
Ikkinchi oʻrinni 420 ga yaqin tur bilan Braziliya egallagan. Amazoniya tropik oʻrmonlarini ham oʻz ichiga olgan ulkan hudud mamlakatda boy hayvonot dunyosi shakllanishiga imkon bergan. Bu yerda zaharli bushmeysterdan tortib koʻplab zaharsiz ilon turlarigacha uchraydi.
**3. Indoneziya – 376 tur**
Indoneziya arxipelagida qariyb 376 turdagi ilon yashaydi. Tropik iqlim va qalin oʻrmonlar ular uchun qulay tabiiy muhit hisoblanadi. Bu yerda dunyodagi eng uzun ilonlardan biri – toʻrsimon piton, shuningdek, kobralarning turli xillari uchraydi.
**4. Hindiston – 305 tur**
Hindistonda 305 ga yaqin ilon turi mavjud. Ular Himolay togʻoldi hududlaridan tortib sohilboʻyi tekisliklarigacha tarqalgan. Hind koʻzoynakli kobrasi va Rassel qora iloni mamlakatdagi mashhur turlar qatoriga kiradi.
**5. Kolumbiya – 301 tur**
Kolumbiyada 301 ga yaqin ilon turi uchraydi. Tropik oʻrmonlar, togʻlar va pasttekisliklardan iborat xilma-xil relef bunday boy biorang-baranglik uchun sharoit yaratgan.