Donald Tramp Oʻzbekistonga tashrif buyurishi mumkin. Video
Donald Tramp Oʻzbekistonga kelishi mumkin. Video
AQSh Prezidenti Donald Tramp Oʻzbekistonga tashrif buyurishi mumkin. Uning mamlakatga kelish istagi haqida Amerika prezidentining global sheriklik boʻyicha maxsus vakili Paolo Zampolli maʼlum qildi. Shu bilan birga, safarning aniq muddatlari hozircha aytilmagan.
«Tahlilnoma» koʻrsatuviga bergan intervyusida Zampolli Trampning ish jadvali tigʻizligiga qaramay, Amerika prezidenti Oʻzbekistonga kelish istagi borligini shaxsan oʻziga aytganini taʼkidladi. Maxsus vakilning soʻzlariga koʻra, ushbu tashrif gʻoyasini uning oʻzi ham faol ilgari surmoqda va bu tez orada amalga oshishiga umid qilmoqda.
Zampolli, shuningdek, Oʻzbekiston Oq uy va AQSh maʼmuriyati uchun muhim yoʻnalishlardan biriga aylanganini bildirdi.
Bundan avval Oʻzbekiston Prezidenti Shavkat Mirziyoyev Trampni oʻzi uchun qulay vaqtda mamlakatga tashrif buyurishga bir necha bor taklif qilgan edi. Avgust oyida boʻlib oʻtgan telefon orqali muloqot chogʻida u AQSh Prezidentini yana bir bor Oʻzbekistonga rasmiy tashrif bilan kelishga taklif etdi.