AQSh Donald Tramp davrida 250 mingdan ortiq vizani bekor qildi
AQSh Davlat departamenti Donald Trampning prezidentlik muddati boshlanganidan beri 250 mingdan ortiq vizani bekor qildi. Viza talablariga rioya qilmaslik, AQShga qarshi zoʻravonlikka chaqiriqlar, firibgarlik va boshqa qonunbuzarliklar bekor qilish uchun asos boʻldi.
AQSh Donald Tramp davrida 250 mingdan ortiq vizani bekor qildi
Donald Tramp prezidentlik lavozimiga kirishgan paytdan boshlab AQSh Davlat departamenti 250 mingdan ortiq vizani bekor qildi.
Uning soʻzlariga koʻra, viza shartlariga rioya qilmaslik, AQSh yoki amerikaliklarga qarshi zoʻravonlikka chaqiriqlar, firibgarlik va milliy xavfsizlikka tahdid solish kabi turli qoidabuzarliklar vizalarni bekor qilishga asos boʻlgan.
Bekor qilingan vizalardan 2300 tasi «tugʻruq turizmi» bilan bogʻliq boʻlgan. Avgust oyida Tramp ushbu amaliyotni cheklovchi ikkita farmonni imzolagan edi.
«Misli koʻrilmagan miqyosdagi uzluksiz tekshiruvlar tufayli biz jinoyat sodir etayotgan, terrorizmni qoʻllab-quvvatlayotgan, amerikaliklarni aldayotgan yoki immigratsiya tizimimizni suiisteʼmol qilayotgan shaxslarni aniqlamoqdamiz va ularni kirish huquqidan mahrum etyapmiz. AQSh vizasi — bu huquq emas, balki imtiyozdir, agar siz ushbu imtiyoz shartlarini buzsangiz, undan mahrum boʻlasiz», — dedi Pigott.
Ushbu chora AQShga B1 va B2 vizalari bilan kelgan va boshpana soʻrab murojaat qilgan 200 minggacha xorijlikka daxl qiladi.
Tramp maʼmuriyati u Oq uyga qaytgan paytdan boshlab viza talabgorlariga nisbatan talablarni izchil ravishda kuchaytirib bormoqda.