“Chaqmoq Makvin” Formula-1 trassasida paydo bo‘ldi

“Chaqmoq Makvin” Formula-1 trassasida ko‘rindi

Italiyaning Monza shahrida o‘tkazilgan Formula-1 Gran-prisida “Mashinalar” multfilmi qahramoni “Chaqmoq Makvin”ning nusxasi namoyish qilindi. U poyga trassasida faxriy davrani bosib o‘tdi.

Shuningdek, rasmiy xavfsizlik avtomobili — Mercedes-AMG GT 63 PRO ham “Mashinalar” multfilmi uslubidagi maxsus bo‘yoqlar bilan bezatildi. U to‘liq boshqariladigan to‘liq uzatmali tizim bilan jihozlangan ilk avtomobil bo‘ldi.

Bu namoyish Formula-1, Disney va Pixar hamkorligi doirasida tashkil etildi. Tadbir “Mashinalar” franshizasining 20 yilligiga bag‘ishlangan bayramning muhim qismlaridan biri bo‘ldi.

Italiya Gran-prisi 6-sentabr kuni o‘tkazildi. 12 ta poygadan so‘ng musobaqa jadvalida Mercedes jamoasi vakili Andrea Kimi Antonelli yetakchilik qilmoqda. Biroq dvigateli almashtirilgani sababli u poygani oxirgi o‘rindan boshladi.

Pixar studiyasi tomonidan Walt Disney kompaniyasi uchun ishlangan “Mashinalar” multfilmi 2006-yilda namoyish etilgan.