Formula-1. Lando Norris Niderlandiya Gran-prisida mavsumdagi ikkinchi g‘alabasini qo‘lga kiritdi

Formula-1: Lando Norris Niderlandiya Gran-prisida mavsumdagi ikkinchi g‘alabasini nishonladi

Formula-1 chempionatining 2026-yilgi mavsumining 12-bosqichi – Niderlandiya Gran-prisi Niderlandiyaning Zandvort trassasida bo‘lib o‘tdi. Ushbu poygada "McLaren" jamoasi a’zosi, amaldagi jahon chempioni Lando Norris birinchi bo‘lib marraga yetib keldi va shu bilan joriy mavsumdagi ikkinchi g‘alabasini qo‘lga kiritdi. Shoxsupaning qolgan o‘rinlarini "Mercedes" vakillari – Kimi Antonelli (ikkinchi o‘rin) va joriy mavsumda ikki marta Gran-pri g‘olibi bo‘lgan Jorj Rassell (uchinchi o‘rin) egalladi.

To‘rt karra jahon chempioni, "Red Bull" poygachisi Maks Ferstappen esa uchinchi aylanada trassaning nam qismida boshqaruvni yo‘qotib, avariyaga uchradi. Natijada u poygani muddatidan avval yakunlashga majbur bo‘ldi.

Ushbu g‘alabadan so‘ng Lando Norris o‘z ochkolarini 159 taga yetkazib, umumiy jadvalda to‘rtinchi o‘ringa ko‘tarildi. Peshqadamlikni esa 243 ochko jamg‘argan "Mercedes" poygachisi Andrea Kimi Antonelli saqlab turibdi. Uning jamoadoshi Jorj Rassell va "Ferrari" a’zosi Lyuis Hemilton hisobida 183 tadan ochko mavjud bo‘lib, ular mos ravishda ikkinchi va uchinchi o‘rinlarni egallab turibdi.

Chempionatning navbatdagi bosqichi 4—6-sentyabr kunlari Italiyaning Monza shahrida bo‘lib o‘tadi.