BYD CHAZOR UzPride - Oʻzbekiston mustaqilligining 35 yilligiga bagʻishlangan maxsus taklif

BYD Central Asia kompaniyasi Oʻzbekiston mustaqilligining 35 yilligiga bagʻishlangan maxsus taklif bilan mahalliy ishlab chiqarilgan BYD CHAZOR UzPride modelining rasmiy savdosi boshlanganini eʼlon qildi. Yuqori darajadagi mahalliylashtirish tufayli 55 KM Luxe jamlanmasi 255 900 000 soʻm narxda xaridorlarga taqdim etilmoqda.

Modelning nomi uning mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini modernizatsiya qilishga hissa qoʻshmoqda. Shu bilan birga, zamonaviy texnologiyalar aholining keng qatlamlari uchun qulay va hamyonbop boʻlishini taʼminlamoqda. Shu sababli, yangi talqin Oʻzbekiston va uning xalqiga chuqur hurmat ramzi sifatida UzPride nomini oldi.

Oʻzbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:

* Boshlangʻich toʻlov – 35%;

* Boʻlib toʻlash muddati – 35 oy;

* Foiz stavkasi – 0%;

* Moliyalashtirishni rasmiylashtirish – faqat OFB hamkor banki orqali.

Mustaqillikning 35 yilligiga bagʻishlangan moliyalashtirish dasturi shartlari 2026-yil 29-avgustdan 1-sentabrgacha amal qiladi. Dastur shartlari ushbu qutlugʻ sana bilan ramziy tarzda uygʻunlashtirilgan boʻlib, yangi supergibrid sedanni Oʻzbekiston boʻylab xaridorlar uchun yanada qulayroq shartlarda sotib olish imkonini beradi.

**BYD CHAZOR UzPride haqida batafsil**

BYD CHAZOR UzPride DM-i supergibrid tizimi bilan jihozlangan boʻlib, u elektr yuritmaning afzalliklarini 1,5 litr hajmli yuqori samarali benzin dvigatelining imkoniyatlari bilan birlashtiradi.

132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC oʻlchov tartibi boʻyicha faqat elektr quvvatida yurish masofasi 55 kilometrgacha yetadi. Akkumulyator quvvati past boʻlganda yoqilgʻi sarfining eng kam koʻrsatkichi 100 kilometrga 3,8 litrni tashkil etadi.

55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli koʻrsatkichlar paneli, oʻzbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.