Buxorolik sudyaning xizmat xonasida yirik miqdordagi pul mablagʻi topildi, advokat pora berishga urinishda gumon qilinmoqda
Buxoro shahar sudi raisining kabinetidan 40 ming dollar topilgan, yana 10 ming dollar u yerda boʻlgan advokatning choʻntagida boʻlgan. Sudyalar oliy kengashi hozircha sudya pul soʻragani yoki olgani haqida dalillar yoʻqligini maʼlum qildi. Sudyaga nisbatan xizmat tekshiruvi, advokatga nisbatan esa tergov harakatlari olib borilmoqda.
Buxoro sudyasining xizmat xonasidan yirik miqdordagi pul mablagʻlari topildi, advokat pora berishga urinishda gumon qilinmoqda
Oʻzbekiston Sudyalar oliy kengashi Buxoro shahar sudi raisining xizmat xonasida mahalliy advokat boʻlgan vaqtda yirik miqdordagi naqd xorijiy valyuta topilgani bilan bogʻliq holat yuzasidan munosabat bildirdi.
, advokatning choʻntagida 10 ming AQSh dollari boʻlgan, yana 40 ming dollar esa shkafdan topilgan. Uning maʼlumotlariga koʻra, ikkalasi ham ushlangan, biroq keyinroq sudya qoʻyib yuborilgan va u oʻz faoliyatini davom ettirmoqda.
Kengashning maʼlum qilishicha, advokatga nisbatan tergov harakatlari olib borilmoqda, sudyaga nisbatan esa xizmat tekshiruvi tayinlangan.
«Hozirgi vaqtda xizmat tekshiruvi va tergov harakatlari doirasida sudya advokatdan pul talab qilgani yoki undan pul olganini tasdiqlovchi biron-bir dalil aniqlanmadi», — deyiladi kengash bayonotida.
«Pul mablagʻlari belgilangan tartibda advokatdan, shuningdek, sudyaning xizmat xonasiga kirish qismidagi hamma uchun ochiq va koʻrinib turgan shkafning oʻrta javonidan olingan», — deyiladi xabarda.
Xizmat tekshiruvi va tergov harakatlari davom etmoqda, ularning natijalari boʻyicha qoʻshimcha maʼlumot keyinroq taqdim etilishi vaʼda qilindi, deb xabar berdi kengash. Shuningdek, ular tekshirilmagan maʼlumotlarni eʼlon qilmaslikka va aybsizlik prezumptsiyasi tamoyiliga rioya qilishga chaqirdi.
Abdurahmon Tashanov keyinroq viloyat prokuraturasining 7 oktyabrdagi advokatni Jinoyat kodeksining 168-moddasi 4-qismi «a» bandi (juda koʻp miqdorda firibgarlik) va 211-moddasi 3-qismi «a» bandi (juda koʻp miqdorda pora berish) bilan qoʻzgʻatilgan jinoyat ishi boʻyicha ayblanuvchi tariqasida jalb qilish toʻgʻrisidagi qarorini eʼlon qildi. U, shuningdek, sudya va advokat ilgari hamkasb boʻlishgani va ichki ishlar organlarida birga ishlashganini maʼlum qildi.