Burxanov va Monfarid parlamentlararo hamkorlikni muhokama qildi
Senat matbuot xizmati Samarqandda Qutbidin Burxonovning eronlik deputat Amir Monfarid bilan uchrashgani haqida xabar berdi.
Burxanov va Monfarid parlamentlararo hamkorlikni muhokama qildilar
Samarqandda Oliy Majlis Senatining Mudofaa va xavfsizlik masalalari qoʻmitasi raisi, «Oʻzbekiston-Eron» parlamentlararo hamkorlik guruhi hamraisi Qutbidin Burxanovning Eron Islom kengashi Majlisi deputati, «Eron-Oʻzbekiston» parlamentlararo hamkorlik guruhi aʼzosi Amir Monfarid boshchiligidagi delegatsiya bilan uchrashuvi boʻlib oʻtdi. Bu haqda Senat matbuot xizmati xabar bermoqda.
Suhbat chogʻida tomonlar ikki mamlakat parlamentlari oʻrtasidagi hamkorlikni yanada mustahkamlash, parlamentlararo hamkorlik guruhlari faoliyatini rivojlantirish, parlament tajribasini almashish va qoʻshma tashabbuslarni qoʻllab-quvvatlash masalalarini koʻrib chiqdilar.
Soʻnggi yillarda davlatlar rahbarlarining siyosiy irodasi va saʼy-harakatlari tufayli Oʻzbekiston va Eron oʻrtasidagi koʻp qirrali hamkorlik yangi bosqichga koʻtarilgani taʼkidlandi.
Uchrashuv yakunida muntazam parlamentlararo muloqotni davom ettirish va parlamentlararo hamkorlikni mustahkamlash uchun mavjud imkoniyatlardan samarali foydalanish boʻyicha kelishuvga erishildi.