Boshini silab oʻtirishmaydi
Qirgʻiziston Prezidenti fuqarolarni korruptsiya haqida xabar berishga chaqirdi va yolgʻonchilarga nisbatan qattiq choralar koʻrishga vaʼda berdi
Boshini silab oʻtirishmaydi
Qirgʻiziston Prezidenti Sadir Japarov deputatlar va fuqarolarga murojaat qilib, davlat xizmatlaridagi korruptsiya holatlari haqida xabar berishga chaqirdi. U asoslangan dalillarni taqdim etganlarga qoʻllab-quvvatlash va himoya vaʼda qildi. Uning soʻzlariga koʻra, korruptsiyada aybdorlar qattiq jazolanadi.
Davlat rahbari, shuningdek, siyosatchilar, jurnalistlar, blogerlar va ekspertlarni har bir soʻz uchun javobgarlik borligi haqida ogohlantirdi. U mamlakat siyosiy qarama-qarshiliklar va beqarorlik oqibatlarini allaqachon boshdan kechirganini eslatib oʻtdi. Uning fikricha, dolzarb mavzularning muhokamasi jamiyatni parchalash vositasiga aylanmasligi kerak.
«Yolgʻon tarqatib, tinch aholining boshini aylantirayotganlarning boshini silab oʻtirmaymiz. Ularga nisbatan qatʼiy choralar koʻriladi», — dedi Japarov.
U siyosiy ochkolar ortidan quvib, odamlarning tuygʻulariga daxl qiluvchi masalalarni qasddan keskinlashtirish mumkin emasligini taʼkidladi. Ommaviy ravishda aytilgan har bir soʻz jamiyat oldida javobgarlikni keltirib chiqaradi.