Bolgariyada prezident saylovi ikkinçi turga qoldi
Bolgariyada prezidentlik saylovining birinçi turida heç bir nomzod zarur mutlaq köpçilik ovozini ololmadi. Dastlabki natijalarga köra, amaldagi prezident Iliyana Yotova 34,6 foiz, sobiq boş vazir Andrey Gyurov esa 32 foiz ovoz bilan yetakçilik qilmoqda. Ikkinçi tur 1-noyabrda ötkazilişi kutilmoqda.
Bolgariyada prezident saylovi ikkinchi bosqichga qoldi.
25-oktabrdagi ovoz berishda saylovchilar ishtiroki atigi 22,2 foizni tashkil etdi. Bu prezidentni birinchi turda saylash uchun zarur bo‘lgan 50 foizdan yuqori ishtirok darajasidan ancha past.
Saylov kampaniyasining dastlabki bosqichi kam sonli mitinglar, teledebatlar o‘tkazilmagani va asosiy nomzodlarga qaratilgan shaxsiy hujumlar bilan kechdi. So‘nggi haftalarda esa Ukrainaga yordam berish masalasidagi qarashlar farqi asosiy mavzulardan biriga aylandi.
Iliyana Yotova urushni diplomatik yo‘l bilan tugatish tarafdori ekanini bildirgan. U Bolgariya harbiylari Ukrainaga yuborilmasligiga saylovchilarni ishontirishga uringan, garchi bu masala keng jamoatchilik muhokamasining asosiy mavzusi bo‘lmagan bo‘lsa ham.
G‘arb tarafdori sifatida ta’riflanayotgan Andrey Gyurov esa avvalroq Ukrainani qo‘llab-quvvatlagan. U hukumatga rahbarlik qilgan davrida Kiev bilan xavfsizlik sohasida hamkorlik to‘g‘risidagi kelishuvni imzolagan.
Saylov kampaniyasiga Qora dengizdagi xavfsizlik bilan bog‘liq hodisalar ham ta’sir ko‘rsatgan. Oktabr oyida Bolgariya sohillari yaqinida to‘rtta savdo kemasi, taxminlarga ko‘ra, dronlar hujumiga uchragan. Sofiya yaqinidagi Starlink stansiyasi esa o‘t qo‘yilishi oqibatida zararlangan.
Nashrga ko‘ra, Yotova va Rumen Radev boshchiligidagi hukumat bu hodisalarga ehtiyotkor munosabat bildirib, ularga aniq baho bermagan va aybdorlarni nomlamagan.
Bolgariyada prezidentning vakolatlari cheklangan bo‘lsa-da, u mamlakatni xalqaro maydonda namoyon etadi va oliy bosh qo‘mondon hisoblanadi. Shuningdek, bo‘sh prokuror va oliy sudlar rahbarlarini tayinlash to‘g‘risidagi farmonlarni imzolaydi, konstitutsiyada belgilangan shaxslar doirasidan vaqtincha bo‘sh vazir tayinlaydi hamda parlament qabul qilgan qonunlarga veto qo‘yish huquqiga ega.