Baxtiyor Saidov Onodera User Run rahbari bilan oʻzbekistonliklarni Yaponiyada ishga joylashtirish masalasini muhokama qildi
Baxtiyor Saidov Onodera User Run rahbari bilan oʻzbekistonliklarni Yaponiyada ishga joylashtirish masalasini muhokama qildi
Oʻzbekiston tashqi ishlar vaziri Baxtiyor Saidov Yaponiyaning Onodera User Run kompaniyasi prezidenti Jun Kato bilan uchrashuv oʻtkazdi.
Tomonlar Oʻzbekiston fuqarolarini Yaponiyada ishga joylashtirish, shuningdek, respublika hududlarida oʻquv markazlari tarmogʻini kengaytirish masalalarini koʻrib chiqdilar.
Yaponiya kompaniyasi xorijiy kadrlarni tayyorlash, tanlash va ishga joylashtirish bilan shugʻullanadi. Muzokaralar davomida Oʻzbekiston tomoni Onodera User Run kompaniyasining Oʻzbekiston fuqarolarini xorijda bandligini taʼminlashga qaratilgan loyihalarini qoʻllab-quvvatlashini bildirdi.
Uchrashuv ishtirokchilari yoshlarning kasbiy tayyorgarlik imkoniyatlarini kengaytirish maqsadida respublika hududlarida yangi taʼlim markazlarini tashkil etishga alohida eʼtibor qaratdilar.
Oʻzbekiston TIV rahbari mamlakat yangi oʻzaro manfaatli loyihalarni amalga oshirish orqali Yaponiya bilan kadrlar tayyorlash, bandlik va investitsiyalar sohalarida hamkorlikni rivojlantirishga tayyorligini taʼkidladi.