Bashar Asadga o‘lim jazosi tayinlandi
Suriya sudi mamlakatning sobiq prezidenti Bashar Asadni o‘lim jazosiga hukm qildi. Bu haqda SANA agentligi xabar berdi.
Asad 2024-yil dekabrida hokimiyatdan ag‘darilganidan so‘ng Rossiyaga qochib ketgan va u yerdan siyosiy boshpana olgan edi. O‘shandan buyon u ommaviy axborot vositalari va jamoatchilik e’tiboridan chetda qolib kelmoqda.
Hozircha hukmga oid boshqa tafsilotlar ma’lum qilinmagan.
Ma’lumotlarga ko‘ra, Bashar Asad oilasi bilan Moskvadagi hashamatli uyda yashaydi. Shu bilan birga, Rossiya prezidenti Vladimir Putin va Suriyaning amaldagi rahbari Ahmad ash-Sharaa bir necha bor uchrashuvlar o‘tkazgan.