Barclays sobiq treyderlarining foiz stavkalarini manipulyatsiya qilish boʻyicha ayblov hukmlari bekor qilindi
Jey Merchant, Jonatan Metyu, Filipp Moryussef, Aleks Pabon va Kolin Bermingemning sudlanganlik haqidagi qarorlari Apellyatsiya sudi tomonidan bekor qilindi.
Barclays bankining sobiq treyderlariga nisbatan stavkalarni qalbakilashtirish boʻyicha chiqarilgan ayblov hukmlari bekor qilindi
Moliyaviy inqiroz davridagi eng yirik mojarolardan biri doirasida qamoq jazosiga hukm qilingan Barclays bankining besh nafar sobiq treyderi uzoq davom etgan huquqiy kurashdan soʻng oʻzlariga nisbatan chiqarilgan ayblov hukmlari bekor qilinishiga erishdilar.
Jey Merchant, Jonatan Metyu, Filipp Moryussef, Aleks Pabon va Kolin Bermingem banklararo kreditlar uchun qoʻllaniladigan foiz stavkalarini manipulyatsiya qilish boʻyicha oʻtkazilgan sud jarayonlaridan soʻng aybdor deb topilgan edi.
Biroq, chorshanba kuni Apellyatsiya sudi ularning ayblov hukmlarini bekor qildi. Ushbu qaror oʻtgan yili Sitining boshqa ikki sobiq treyderiga nisbatan chiqarilgan hukmlar bekor qilinganidan keyin qabul qilindi va bu boshqalar uchun ham apellyatsiya berishga yoʻl ochdi.
Prokurorlar 2008 yilgi moliyaviy inqirozdan keyin yuzaga kelgan jamoatchilikning noroziligi va gʻazabi fonida ushbu treyderlarni bankirlar ochkoʻzligining ramzi sifatida taqdim etgan edi.