AQŞda oraliq saylovlar: Tramp uçun hal qiluvçi baho
3-noyabr kuni amerikaliklar mamlakat böylab Kongress, gubernatorlik va mahalliy boşqaruv organlariga nomzodlar uçun ovoz berdi. Saylov natijalari Prezident Donald Tramp maʼmuriyatining kelgusi ikki yildagi siyosiy faoliyatiga jiddiy taʼsir körsatişi kutilmoqda. Kun.uz’ning AQŞdagi muxbiri saylov uçastkalarida bölib, saylovçilar fikri bilan tanişdi.
AQŞda oraliq saylovlar: Tramp uchun hal qiluvchi baho
AQŞda har to‘rt yilda bir marta o‘tkaziladigan prezidentlik saylovlari orasida, ya’ni prezident vakolatining ikki yili ortda qolganida, oraliq saylovlar tashkil etiladi. Bu yilgi saylovlarda ham amerikaliklar mamlakat siyosiy hayotida muhim o‘rin tutadigan vakillarni tanlamoqda.
Saylovoldi jarayonida millionlab fuqarolar muddatidan avval ovoz berish imkoniyatidan foydalandi. Dastlabki ma’lumotlarga ko‘ra, saylov kuniga qadar 57 milliondan ortiq amerikalik o‘z tanlovini amalga oshirgan. Bu esa saylovga bo‘lgan qiziqish yuqori ekanini ko‘rsatadi.
Bu galgi saylovlarda AQŞ Kongressining Vakillar palatasidagi barcha 435 o‘rin va Senatdagi 35 o‘rin uchun kurash ketmoqda. Shuningdek, 36 shtatda gubernatorlar, shtat qonun chiqaruvchi organlari hamda turli mahalliy boshqaruv idoralari vakillari saylanmoqda.
Poytaxt Vashingtonda ham saylov jarayoni o‘ziga xos ahamiyatga ega. Chunki Vashington AQŞ shtati maqomiga ega emas va alohida federal okrug hisoblanadi. Shu sababli poytaxt aholisi gubernator emas, shahar merini saylaydi. Bundan tashqari, ular shahar kengashi a’zolari va Kongressdagi ovoz berish huquqi cheklangan delegatni ham tanlaydi.
AQŞda ovoz berishning bir necha usuli mavjud. Fuqarolar pochta orqali byulleten yuborishi, maxsus qutilarga ovoz berish varaqasini tashlashi, saylov kunidan oldin maxsus uchastkalarda ovoz berishi yoki bevosita saylov kuni saylov markaziga borishi mumkin. Vashingtonda ham saylovchilar ushbu to‘rt imkoniyatdan foydalanmoqda.
Bu yerda fuqarolar o‘zlari munosib deb bilgan nomzodlarga ovoz bermoqda.
Siyosiy jihatdan esa bu saylovlar, avvalo, Respublikachilar va Demokratlar o‘rtasidagi kuchlar nisbatini belgilab beradi. Respublikachilar partiyasi ikki yil avvalgi prezidentlik saylovida qo‘lga kiritilgan siyosiy ustunlikni saqlab qolish va Kongressdagi nazoratini mustahkamlashga umid qilmoqda.
Demokratlar esa aksincha, Kongress palatalaridan kamida birida ko‘pchilik o‘rinni qo‘lga kiritib, Donald Tramp ma’muriyatining ayrim siyosiy tashabbuslarini cheklashni maqsad qilgan. Agar ular Kongressda nazoratni qo‘lga kiritsa, prezidentning qonunchilik tashabbuslarini o‘tkazishi ancha murakkablashishi mumkin.
Shu bois 3-noyabr kungi ovoz berish nafaqat Kongress va mahalliy boshqaruv organlarining yangi tarkibini belgilaydi, balki Donald Tramp prezidentligining keyingi ikki yili qanday siyosiy sharoitda o‘tishini ham ko‘rsatib beradi. Saylov natijalari esa amerikalik saylovchilarning amaldagi hukumat siyosatiga bergan muhim bahosi bo‘ladi.