AQShda iyul oyida Tramp davrida rekord sondagi migrantlar ushlandi
AQSH Immigratsiya va bojxona nazorati xizmati (ICE) agentlari 49,5 ming nafar migrantni qoʻlga oldi, bu iyun oyidagi (43 ming kishi) koʻrsatkichdan 15 foizga koʻp.
AQShda iyul oyida Donald Tramp prezidentligi davrida misli koʻrilmagan miqdordagi muhojirlar hibsga olindi.
Associated Press agentligining maʼlum qilishicha, iyul oyida Amerika Qoʻshma Shtatlari Immigratsiya va bojxona nazorati xizmati (ICE) xodimlari jami 49,5 ming nafar migrantni qoʻlga olgan. Bu iyun oyidagi 43 ming kishilik koʻrsatkichga nisbatan 15 foizlik oʻsishni tashkil etib, Donald Trampning ikkinchi prezidentlik muddati davomidagi eng yuqori koʻrsatkich boʻldi.
Taqqoslash uchun, Donald Tramp lavozimiga kirishishidan bir oy avval har oyda taxminan 8 mingga yaqin migrant hibsga olingan. Ushbu shaxslarning aksariyati mamlakatdan chiqarib yuborish maqsadida qamoqxonalardan ICE ixtiyoriga oʻtkazilgan edi.
Tramp oʻzining ikkinchi prezidentlik davri boshidanoq noqonuniy migratsiyaga qarshi keng koʻlamli kurashni boshlab yubordi. Jumladan, u AQSh hududida tugʻilgan bolalarga avtomatik fuqarolik berish huquqini bekor qilishga urindi. Biroq, Oliy sud keyinchalik prezidentning ushbu farmonini Konstitutsiyaga zid deb topib, mazkur tashabbusni rad etdi.