AQSh qoʻshinlarini Kubadagi ehtimoliy operatsiyaga tayyorlamoqda

AQSh qoʻshinlarni Kubadagi ehtimoliy operatsiyaga tayyorlamoqda

AQSh armiyasi yaqin 90–120 kun ichida Qurolli kuchlar Janubiy qoʻmondonligiga (SOUTHCOM) harbiy politsiya boʻlinmalari, tibbiy xodimlar va logistika xizmatlarini taqdim etish imkoniyatini koʻrib chiqmoqda.

CBS News manbalarining xabar berishicha, ushbu rejalashtirilgan chora-tadbirlar Kubaga nisbatan ehtimoliy operatsiyalarni tayyorlashga qaratilgan.

AQSh Quruqlikdagi qoʻshinlari zaxirasi qoʻmondonligining ichki hujjatiga koʻra, boʻysunuvchi tuzilmalarga 25 sentyabrgacha 6 turdagi tuzilmalarning tayyorgarligi toʻgʻrisida maʼlumot taqdim etish buyurilgan. Ular orasida moddiy-texnik taʼminot bataloni, muhandislik bataloni, ekspeditsiya taʼminoti qoʻmondonligi, tibbiy brigada, ilgʻor jarrohlik otryadi va harbiy politsiya brigadasi bor. Shu bilan birga, hujjatning oʻzida Kuba nomi toʻgʻridan-toʻgʻri tilga olinmagan, qoʻshinlarni amalda joylashtirish toʻgʻrisida esa hozircha buyruq berilmagan.

AQSh Janubiy qoʻmondonligi vakili tezkor xavfsizlik nuqtai nazaridan kelib chiqib, kuchlarni joylashtirishning ehtimoliy muddatlari haqida gapirishdan bosh tortdi, biroq idora oʻz masʼuliyat hududidagi potentsial ehtiyojlarni baholash uchun harakatlarni doimiy ravishda muvofiqlashtirib borishini taʼkidladi. Rejalashtirish AQSh maʼmuriyatining siyosiy islohotlarga erishish maqsadida Kubaga koʻrsatayotgan iqtisodiy bosimi fonida amalga oshirilmoqda.

Bundan avvalroq, 2026 yilda AQSh harbiylari orol atrofidagi dengiz shelfida razvedka operatsiyalarini oʻtkazgan, harbiy-havo kuchlari tarkibiy qismlari esa yuqori shaylik holatiga keltirilgan edi. AQSh razvedka hamjamiyatining 2026 yil uchun tahdidlarni baholash hisobotida Kuba Vashingtonning Rossiya, Xitoy va Eron kabi geosiyosiy raqiblari uchun qulay sharoitlar yaratuvchi maydon sifatida koʻrilmoqda.