xabarchixabarchiABARCHI
Dunyo

AQSH Ukrainaga 2,7 mlrd dollarlik qurol-yarog‘ sotishni ma’qulladi

AQSH Ukrainaga 2,7 mlrd dollarlik qurol-yarog‘ sotishni ma’qulladi

AQSH Davlat departamenti Ukrainaning havo mudofaasi tizimlarini modernizatsiya qilish uchun 2,68 milliard dollarlik qurol-yarog‘ sotish bo‘yicha ehtimoliy bitimni ma’qulladi. Bu haqda departament 19-sentyabrga o‘tar kechasi xabar berdi.

Davlat departamenti bayonotiga ko‘ra, agar Kiyev va Vashington o‘rtasida kelishuvga erishilsa, xarajatlar Yevropa davlatlarining hissalari hamda AQSH harbiy moliyalashtirish dasturi (FMF) doirasida Jo Bayden ma’muriyati ajratgan mablag‘lar hisobidan qoplanadi.

Ukraina AQSHdan havo mudofaasi tizimlari uchun o‘q-dorilar va modernizatsiya xizmatlarini so‘ragan.

Ro‘yxatda S-300 Clone raketalari, GAM-67 raketalari, lazer yordamida boshqariladigan va uzoqroq masofaga mo‘ljallangan havo mudofaasi raketa tizimlari hamda boshqa qurol-yarog‘lar bor.

Shuningdek, Kiyev uchuvchisiz qurilmalarga qarshi kurashish uchun RPS 202 radiolokatsiya stansiyalarini ham so‘ragan.

AQSH Davlat departamenti bitimni amalga oshirish uchun Amerika hukumati vakillari yoki pudratchilarini Ukrainaga yuborish talab etilmasligini alohida ta’kidlagan.

“Ushbu texnika va qo‘llab-quvvatlash xizmatlarining taklif etilayotgan savdosi mintaqadagi asosiy harbiy muvozanatni o‘zgartirmaydi”, deyiladi departament bayonotida.

harbiy yordampentagonraketalarqurol-yarog‘ savdosifmfukrainaaqshhavo mudofaasi

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.