Apple’dan ilk buklamafon: Duo haqida biliş kerak bölgan 8 muhim jihat
Apple kompaniyasining ilk bukiladigan smartfoni – iPhone Duo 23-oktabr kuni dunyo böylab sotuvga çiqdi. Kupertinoliklarning hozirça eng qimmat hisoblanayotgan telefoni 1999 dollardan boşlanadi. Biroq eng qimmat degani hali eng mukammal degani emas.
**Apple’dan ilk buklamafon: Duo haqida bilish kerak bo‘lgan 8 muhim jihat**
Pasport shaklidagi iPhone Duo smartfonlarini 23-oktabr kuni birinchi bo‘lib Sidneydagi Apple do‘koni sota boshladi. Apple’ning ilk bukiladigan telefoniga talab yuqori bo‘lsa-da, savdo cheklangani sababli dunyo bo‘ylab do‘konlar oldida avvalgidek uzun navbatlar kuzatilmayapti.
Talab qanchalik yuqori ekanini oldindan buyurtmalar ko‘rsatdi: 16-oktabr kuni buyurtma qabul qilish boshlanganidan bir necha daqiqa o‘tib, yetkazib berish muddati yanvar oxirigacha surilgan. Duo — Apple hozirgacha chiqargan eng qimmat iPhone: narx 1999 dollardan (256 GB) boshlanib, 3199 dollarga (2 TB) yetadi.
Bu telefon Apple uchun katta sinov hamdir. Chunki uning raqobatchilari Samsung va Huawei bunday telefonlarni yillardan beri sotadi. Endi esa Apple bu tor bozorni o‘zgartira oladimi, degan savol tug‘ildi. Qolaversa, Duo 1-sentabrdan kompaniyani boshqarayotgan bosh ijrochi direktor Jon Ternus uchun ham dastlabki imtihon hisoblanadi.
**Ilovalar hali moslashmagan.**
5,4 dyuymli tashqi va 7,6 dyuymli ichki ekranlarda navigatsiya elementlari old chetga ko‘chirilgan. Apple ilovalari bunga moslashtirilgan, ammo ko‘plab boshqa ilovalar hozircha ikki chetida qora chiziqli tor tasma ko‘rinishida ochiladi.
**Face ID o‘rnida — Touch ID.**
Duo’da yuzni tanish tizimi yo‘q, barmoq izi skaneri esa old yon tugmaga joylangan. Wired taxminicha, yupqa korpusda Face ID uchun joy yetmagan.